Oqý-aǵartý mınıstrligi «Habar» agenttigimen birlesip, oqýshylar arasynda «HHI ǵasyr kóshbasshysy» zııatkerlik oıynyn qaıta jańǵyrtty.
Elimizdiń ıntellektýaldyq oıyndary tarıhyndaǵy tanymal jobalardyń biri – «HHI ǵasyr kóshbasshysy» zııatkerlik oıyny kópshilikpen qaıta qaýyshty. Bul bastamany «Habar» agenttigi Oqý-aǵartý mınıstrliginiń qoldaýymen júzege asyrady.
Bıyl qarasha aıynda bastalǵan irikteý kezeńi elimizdiń barlyq óńirinde ótkizilip jatyr. Irikteý kezeńi 2025 jyldyń sáýir aıyna deıin jalǵasady. О́ńirlik kezeńniń nátıjesi boıynsha árbir oblystan 5 úzdik oqýshy respýblıkalyq kezeńge joldama alady. Respýblıkalyq kezeń 2025 jyldyń naýryz-sáýir aılarynda Almaty qalasynda uıymdastyrylady dep josparlanyp otyr. Munda óńirlerden iriktelgen zııatker oqýshylar el boıynsha úzdikter qatarynan kórinýi úshin synǵa túsedi.
«HHI ǵasyr kóshbasshysy» zııatkerlik oıyny – jastardyń bilimge degen qyzyǵýshylyǵyn arttyryp, olardyń oılaý qabileti men kóshbasshylyq qasıetin shyńdaýǵa baǵyttalǵan biregeı joba. Uıymdastyrýshylardyń aıtýynsha, joba – bilim jarysy ǵana emes, jas talanttarǵa jańa múmkindik beretin alań.
Bul saıystyń ereksheligi – tapsyrmalardyń kópqyrlylyǵynda. Jalpy, bilim, logıka, mýzyka, óner, sport sııaqty túrli salany qamtyǵan suraqtar qatysýshylardyń jan-jaqty bilim deńgeıin baǵalaıdy. Aýdandyq kezeńde qatysýshylarǵa 45 mınýt ýaqyt beriledi. Osy ýaqytta olar 30 suraqqa jaýap berýi kerek. Ýaqyt shekteýli bolǵandyqtan, tapsyrmalardy jyldam ári naqty sheshý mańyzdy. Al oblystyq kezeńde báseke joǵary deńgeıge kóteriledi. Munda 75 mınýt ishinde 60 suraqtyń jaýabyn tabý talap etiledi. Bul kezeńde oqýshylardyń synı oılaýy men jyldamdyǵyn odan ári shyńdaı túsedi.
«Bul teleoıynnyń oqýshylardyń zııatkerlik áleýetin damytýǵa aıtarlyqtaı úles qosatynyna jáne olardyń bilimge, óz-ózin jetildirýge umtylýyna serpin beretinine senimdimiz. Joba eń talantty, daryndy kóshbasshylardy tanýǵa, tańdaýǵa septigin tıgizedi», deıdi «Daryn» RǴPO dırektory Ǵajdembek Tursynov.
Aıta keteıik, «HHI ǵasyr kóshbasshysy» teleoıyny «Habar» respýblıkalyq telearnasynda alǵash ret 1999 jyly jaryqqa shyqty. 25 jyl ishinde ol birneshe ret jańaryp, joǵary jáne kishi toptar formatynda da usynyldy. Oqýshylardyń bilimi men ıntellektýaldy damýyn arttyrýǵa, sondaı-aq elimizdiń bolashaq zııatkerlik áleýetin qalyptastyrýǵa baǵyttalǵan telejoba endi Oqý-aǵartý mınıstrliginiń qoldaýymen qaıtadan óz kórermenimen qaýyshady.