Májiliste daryndy balalardy qoldaýdy kózdeıtin jáne memlekettik tildiń qoldanysyn keńeıtetin zań jobasy qabyldandy, dep habarlaıdy Egemen.kz.
Májilistegi Áleýmettik-mádenı damý komıtetiniń tóraǵasy Ashat Aımaǵambetovtiń aıtýynsha jańa zań aıasynda memlekettik tildi jasandy ıntellekttiń kúshimen damytý kózdelgen.
Sonymen qatar, bedeldi halyqaralyq pán olımpıadalary men ǵylymı saıystarda jeńimpaz atanǵan jastardy «Bolashaq» baǵdarlamasymen shetelderde oqytý qarastyrylǵan.
- «Bolashaq» baǵdarlamasynyń aıasyn keńeıtip, magıstratýra men doktorantýranyń qataryna bakalavrıatty da qosyp otyrmyz. Biraq bul múmkindik tek bedeldi halyqaralyq olımpıadada nemese ǵylymı saıysta jeńimpaz atanǵan talapkerlerge ǵana beriledi. Ol balalar «Bolashaq» arqyly bakalavr dárejesinde bilim alǵannan keıin keminde 3 jyl boıy Qazaqstanda jumys isteýge mindetteledi, - dedi Ashat Aımaǵambetov.