Atalǵan laýazymǵa Qýanysh Serqazyuly Súleımenov taǵaıyndalǵany týraly ákimdik saıtynan málim boldy, dep habarlaıdy Egemen.kz.
Ol 1973 jyly 14 qyrkúıekte Semeı oblysy Shar qalasynda dúnıege kelgen. Qazaq memlekettik ýnıversıtetin «Quqyqtaný», Semeı qalasynyń Shákárim atyndaǵy memlekettik ýnıversıtetin «Tarıh muǵalimi» jáne «Mal sharýashylyǵy ónimderin óndirý tehnologııasy» mamandyqtary boıynsha aıaqtaǵan. Mal sharýashylyǵy ónimderin óndirý tehnologııasynyń magıstri.
Eńbek jolyn Jarma aýdanyna qarasty Shalabaı aýylyndaǵy «Shalabaı» asyl tuqymdy zaýyty kásipodaq komıtetiniń «Parýs» jasóspirimder klýbynda jattyqtyrýshy bolyp bastaǵan.
1990-1991 jyldary Semeı qalasyndaǵy «Aýa raıy» shaǵyn kásipornynyń sýretshi-dızaıneri.
1993-1994 jyldary - Jambyl oblysyndaǵy «Shaızada» kooperatıviniń jabdyqtaýshy-ekspedıtory.
1994-1995 jyldary - Almaty qalasyndaǵy «Gúljan» shaǵyn jeke kásipornynyń dırektory.
1995-1996 jyldary - Jarma aýdany, Shalabaı aýyly, N.Krýpskaıa atyndaǵy orta mektepte úıirme jetekshisi, 1996-2001 jyldary - sol mektepte áskerı jetekshisi, 2001-2006 jyldary - sol mekteptiń dırektory.
2006-2022 jyldary - Jarma aýdany, Shalabaı aýylyndaǵy «Shalabaı» jaýapkershiligi shekteýli seriktestiginiń Bas dırektory.
Taǵaıyndalǵanǵa deıin Abaı oblystyq máslıhatynyń tóraǵasy qyzmetin atqardy.