«Qazgıromet» RMK aldaǵy mereke kúnderi respýblıkanyń basym bóliginde turaqsyz aýa raıy bolatynyn málim etti, dep jazady Egemen.kz.
Elimizdiń soltústik-batysynda, soltústiginde, ortalyǵynda jáne shyǵysynda qar, burqasyn, 1-2 qańtarda qatty ekpindi jel, batysta, ońtústik-batysta, respýblıkanyń ońtústik, ońtústik-shyǵys óńirlerinde jaýyn-shashyn (jańbyr, qar), kóktaıǵaq bolady dep boljanǵan.
Al 31 jeltoqsan kúni elimizdiń ońtústiginde, ońtústik-shyǵysynda taýly aımaqtarda qatty jaýyn-shashyn (jańbyr, qar) bolýy yqtımal. Qazaqstan boıynsha jel kúsheıip, tuman túsedi.
«Elimizdiń basym bóliginde aýa temperatýrasy: túnde batysta -5 gradýs aıaz, kúndiz 3 gradýs aıaz, soltústik-batysta, soltústikte, ortalyqta, shyǵysta túnde 2-13 gradýs aıazǵa deıin, kúndiz 7 gradýs aıaz -2 gradýs jyly, shyǵysta túnde jáne kúndiz 0-8 gradýs aıazǵa deıin joǵarylaýy yqtımal, ońtústikte, ońtústik-shyǵysta temperatýralyq fonda kúrt ózgerister kútilmeıdi», delingen «Qazgıromet» RMK habarlamasynda.