Búgin, aımaq basshysy Nurdáýlet Qılybaı oblys aktıvine kandıdatýrasy Prezıdent ákimshiligimen kelisilgen jańa orynbasary Tilek Kóshmaǵanbetovty tanystyrdy, dep habarlaıdy Egemen.kz.
Tilek Jetkizgenuly Kóshmaǵanbetov 1979 jyly Mańǵystaý oblysynda dúnıege kelgen. 2002 jyly M.Tynyshpaev atyndaǵy Qazaq kólik jáne kommýnıkasııalar akademııasyn «Qarjy jáne nesıe» mamandyǵy boıynsha, 2013 jyly Sh.Esenov atyndaǵy Kaspıı memlekettik tehnologııalar jáne ınjınırıng ýnıversıtetin «Quqyqtaný» mamandyǵy boıynsha támamdaǵan.
Eńbek jolyn 2001 jyly «Neftebank» aksıonerlik qoǵamynda nesıe bóliminiń mamany qyzmetinen bastap, kepildik berý bóliminiń bas mamany, nesıe bóliminiń menedjeri qyzmetin atqarǵan.
2006-2007 jyldary «TM-2006» jaýapkershiligi shekteýli seriktestiginiń dırektory.
2007-2010 jyldary Munaıly aýdandyq kásipkerlik bóliminiń bas mamany, keıin bólim basshysy laýazymyn atqardy.
2010-2012 jyldar aralyǵynda Mańǵystaý oblysy qarjy basqarmasy basshysynyń orynbasary boldy.
2012-2015 jyldary Jańaózen qalasy ákiminiń orynbasary, 2015 -2019 jyldary Aqtaý qalasy ákiminiń orynbasary boldy. 2019-2022 jyldary Mańǵystaý aýdanynyń ákimi laýazymyn atqardy.