Májilis jer telimin AQSh-qa jalǵa berý týraly zań jobasyn jumysqa aldy, dep habarlaıdy Egemen.kz.
Qazaqstan men Amerıka Qurama Shtattarynyń úkimeti arasyndaǵy kelisimge sáıkes, AQSh Almatyda konsýldyq ǵımarat salý úshin jer telimin jalǵa almaq.
Depýtat Aıgúl Quspannyń aıtýynsha, sóz bolyp otyrǵan kelisimge byltyr 27 qyrkúıekte Nıý-Iorkte qol qoıylǵan.
«Qarastyrylyp otyrǵan kelisim byltyr 27 qyrkúıekte Nıý-Iorkte jasaldy. Kelisimniń maqsaty – AQSh úkimetine Almaty qalasyndaǵy AQSh konsýldyq mekemesiniń úı-jaılaryn salý jáne paıdalaný úshin 49 jyl merzimge aýdany 70 myń sharshy metrden asatyn jer ýchaskesin jalǵa berý. Kelisimde jer ýchaskesin berý tártibi men sharttary aıqyndalǵan. Komıtet osy zań jobasyn jumysqa alýǵa jáne qorytyndy daıyndaýǵa ázir», dedi májilis depýtaty Aıgúl Quspan.
Halyqaralyq ister, qorǵanys jáne qaýipsizdik komıteti zań jobasy boıynsha qorytyndy daıyndaıdy. Qujat kelesi májilis otyrysynda qaralady.