Qaraǵandy oblysyndaǵy tas jolda birden 19 kólik soqtyǵysyp qaldy, dep habarlaıdy Egemen.kz «QazAvtoJol»-ǵa silteme jasap.
23 qańtarda saǵat 10:30-dan bastap «Ekaterınbýrg-Almaty» avtojolynyń qaıta jańǵyrtý ýchaskesinde Balqash-Qaraǵandy baǵyty boıynsha kólik qozǵalysy ashyldy. Mundaı sheshim aýa raıynyń jaqsarýyna jáne kólikterdiń jınalýyna baılanysty qabyldanǵan. Qozǵalys Qaraǵandy oblysynyń ákimshilik polısııa basqarmasy jáne «QazAvtoJol» AQ qyzmetkerleriniń qoldaýymen uıymdastyrylyp otyr.
«Saǵat 12:30-da osy ýchaskede 1630 shaqyrymda 19 avtokóliktiń qatysýymen iri jol apaty oryn aldy. Oqıǵa ornynda Tótenshe jaǵdaılar mınıstrligi men jedel járdem qyzmetkerleri jumys istep jatyr. Apattyń aldyn ala sebebi - jyldamdyqty saqtamaý», dep habarlady «QazAvtoJol».