Malaızııalyq Aman Shah qarjy operasııalarynyń arıfmetıkalyq erekshelikterin paıdalanyp, aqsha urlaýdyń erekshe ádisin oılap tapqan. Onyń shemasy óte qarapaıym. Ol árbir aqsha aýdarymynan 1 sent qaldyqty óz shotyna aýdaryp otyrǵan.
Bundaı bolmashy somanyń joǵalǵanyn eshkim baıqamaǵanymen, uzaq ýaqyt ishinde onyń shotynda 4,1 mln rınggıt (shamamen 1 mln dollar) jınalyp qalǵan. Aqyry bank qaýipsizdik qyzmetkerleri júıedegi kúdikti jaıtty anyqtap, ony qolǵa túsirgen. Osylaısha, Aman Shah 1990 jyly 5 jylǵa bas bostandyǵynan aıyrylady.