Úkimet jergilikti atqarýshy organdardyń bazalyq qurylymyna Balalardyń quqyqtaryn qorǵaý jónindegi basqarmalar men bólimderdi engizý týraly sheshim qoldady. Bul týraly Oqý-aǵartý mınıstrligi habarlady, dep jazady Egemen.kz.
Qorǵanshylyq organdary jergilikti atqarýshy organdardyń qoldanystaǵy shtattyq shegi aıasynda qurylady. Belgilengen normatıvke sáıkes, árbir 5 myń balaǵa keminde bir maman taǵaıyndalady.
«Bul bastama arqyly balalardyń tolyqqandy qamqorlyqta bolýyn qamtamasyz etýge baǵyttalǵan júıe negizin qurý kózdelýde. Osy rette Oqý-aǵartý mınıstrligi qorǵanshylyq organdarynyń mamandaryna arnalǵan oqytý trenıngterin uıymdastyryp jatyr», delingen mınıstrlik habarlamasynda.