Eldegi arıtmologııalyq qyzmetti damytý maqsatynda Ulttyq shuǵyl medısınany úılestirý ortalyǵynyń qurylymynda Júrek yrǵaǵy ortalyǵy óz jumysyn bastady, dep jazady Egemen.kz aqparat agenttigi.
Júrek yrǵaǵy ortalyǵynyń ashylýy – halyqty dıagnostıka men emdeýdiń zamanaýı ádisterine qoljetimdilikpen qamtamasyz etetin, kadrlar daıarlaýdy jáne telemedısınalyq ınfraqurylymdy damytýdy kózdeıtin arıtmologııa qyzmetiniń damýyna jasalǵan mańyzdy qadam.
Júrek yrǵaǵy ortalyǵy zamanaýı medısınalyq jabdyqtarmen tolyq jaraqtalǵan jáne joǵary tehnologııaly arıtmologııalyq aralasýlar júrgizýge baǵyttalǵan.
Munda kúrdeli arıtmııalar kezinde 3D-navıgasııalyq kartografııa jáne radıojıilik ablıasııa, symsyz kardıostımýlıatorlardy ımplantattaý, ımpýlstik óris (elektroporasııa) arqyly ablıasııa, KDI, CRTD jáne basqa qurylǵylardy ornatý, sondaı-aq endokardıaldy qurylǵylardy alyp tastaý sekildi aldyńǵy qatarly emsharalar júrgiziledi.
Klınıkaǵa sapary barysynda Densaýlyq saqtaý mınıstri Aqmaral Álnazarova shalǵaı óńirlerdegi pasıentter úshin joǵary deńgeıdegi medısınalyq kómekke qoljetimdilikti keńeıtýdegi Júrek yrǵaǵy ortalyǵynyń mańyzdylyǵyn atap ótti. Munda telemedısına men qashyqtan baqylaý tehnologııalary engizilýde, bul ımplantasııalanǵan qurylǵylary bar pasıentterdi qashyqtan baqylaýǵa, kúrdeli jaǵdaılardy onlaın-konsýltasııalaýǵa, arıtmııasy bar pasıentterdi sapaly ári úzdiksiz baqylaýǵa múmkindik beredi.
Ortalyqtyń jetekshisi Aıan Ábdirahmanov ortalyqtyń qyzmeti men jabdyqtalýy týraly jan-jaqty tanystyrdy.
Sapar aıasynda mınıstr men Júrek yrǵaǵy ǵylymı-zertteý ınstıtýty kafedrasy stýdentteriniń arasynda beıresmı áńgime ótti.
Ulttyq shuǵyl medısınany úılestirý ortalyǵy – búkil el boıynsha jedel járdem qyzmetin úılestiretin, medısınalyq avıasııa túrinde kezek kúttirmeıtin jáne shuǵyl medısınalyq kómek kórsetetin, kópbeıindi biregeı aýrýhanasy bar tıimdi klaster bolyp tabylatynyn aıta ketken jón.
UShMÚO aýrýhanasy 2024 jyldyń maýsym aıynda ashylǵan, 250 tósektik orynmen qamtylǵan, zamanaýı klınıkalyq bazamen jabdyqtalǵan jáne 29 beıin boıynsha 9 klınıkalyq ortalyqty qamtıdy. Aýrýhananyń biregeı ereksheligi – jeke tikushaq alańy men angarynyń bolýy.