О́ńirlik kommýnıkasııalar qyzmetiniń baspasóz alańynda «Taraz» áleýmettik-kásipkerlik korporasııasy» aksıonerlik qoǵamynyń Basqarma tóraǵasynyń mindetin atqarýshy Ravıl Tólebaevtyń qatysýymen brıfıng ótti.
Spıker 2024 jyly jáne bıylǵy jyldyń alǵashqy toqsanynda atqarylǵan jumystar jóninde baıandama jasady.
– Agroónerkásip keshenindegi ınvestısııalyq jobalardy qarjylandyrý jáne shaǵyn ónerkásip aımaǵynyń qurylysyn nesıeleý esebinen aktıvter 13 mıllıard teńgege artyp, 48 mıllıard teńgeden 61 mıllıard teńgege deıin ulǵaıdy. Sonymen qatar oblysta áleýmettik mańyzy bar azyq-túlik taýarlarynyń baǵasyn turaqtandyrý maqsatynda baǵany turaqtandyrý boıynsha birqatar jumystar atqarylyp, 2024 jyly áleýmettik mańyzy bar azyq-túlik taýarlarynyń baǵasyn turaqtandyrý maqsatynda Taraz qalasyndaǵy iri saýda jelilerine turaqtandyrý qorynan jalpy quny 338,8 mıllıon teńgege taýarlyq ıntervensııa júrgizildi. 2025 jyldyń alǵashqy kezeńinde kartop óniminiń baǵasynyń kúrt ósýine baılanysty turaqtandyrý qorynan Taraz qalasy aýmaǵyndaǵy «Dámdi sebet», «Nurıslam», «Fırkan», «Áleýmettik dúken» jáne úı mańyndaǵy dúkenderge 415,2 tonna kartop taýarlyq ıntervensııamen shyǵaryldy. Atalǵan ónim dúken sórelerine 130 teńgeden qoıyldy. Sondaı-aq osy jyly jalpy áleýmettik mańyzy bar azyq-túlik taýarlarynyń baǵasyn turaqtandyrý maqsatynda Taraz qalasyndaǵy iri saýda jelilerine turaqtandyrý qorynan quny 70 mıllıon teńgege taýarlyq ıntervensııa júrgizildi.2024 jyly «Aýylsharýashylyǵy salasyndaǵy ınvestısııalyq jobalardy nesıelendirý» baǵdarlamasy aıasynda respýblıkalyq bıýdjetten 8 mıllıard teńge bólindi. Qosymsha jergilikti bıýdjetten 500 mıllıon teńge qarastyryldy. Sondaı-aq óńir halqynyń tabysyn arttyrý maqsatynda 2019-2024 jyldary aralyǵynda «Aýyl amanaty» jobasy aıasynda respýblıkalyq bıýdjetten jalpy 38,4 mıllıard teńge kóleminde qarajat bólinip, 8 027 joba qarjylandyryldy, – deıdi Ravıl Qýanyshbaıuly korporasııanyń aldaǵy josparlarymen de bólisti.
«Taraz» ındýstrııalyq aımaǵynyń aýmaǵynda 1 426 jumys orny qurylatyn 141,6 mıllıard teńgege 17 jobany iske asyrý josparlanyp otyr eken. «Taraz» ındýstrııalyq aımaǵy men «Jibek Joly» arnaıy ekonomıkalyq aımaǵy aýmaǵynda shaǵyn orta bıznesti qoldaý úshin О́nerkásipti damytý qorynyń qarajaty esebinen zamanaýı óndiristik alandardyń qurylysy júrgizilýde. Osy alańdardy 2025 jyldyń maýsym aıynyń sońyna deıin paıdalanýǵa berý josparlanǵan.
– 2024 jyldyń mamyr aıynda oblysqa ınvestısııa tartý boıynsha «Zhambyl Invest» dıreksııasy quryldy. «Zhambyl Invest» otandyq jáne sheteldik ınvestorlarǵa «bir tereze» prınsıpi boıynsha konsýltasııalyq kómek kórsetedi. «Zhambyl Invest» qurylǵaly beri 300-den astam kezdesý men konsýltasııa ótkizilip, ınvestorlarmen 25 memorandým men ózara yntymaqtastyq týraly kelisimsharttarǵa qol qoıyldy, – deıdi R.Qýanyshbaıuly.
Al, byltyr aýyl sharýashylyǵy salasyndaǵy ınvestısııalyq jobalardy nesıelendirý» baǵdarlamasy aıasynda respýblıkalyq bıýdjetten 8 mlrd teńge bólindi. Qosymsha jergilikti bıýdjetten 500 mln teńge qarastyrylǵan.
Bul qarajatqa 15 ınvestısııalyq joba qarjylandyryldy:
4 joba – sút-taýar fermalaryn salý boıynsha; 6 joba – kókónis qoımalaryn salý boıynsha; 4 joba – aýyl sharýashylyǵy ónimderin qaıta óńdeý; 1 joba – tamshylatyp sýarý júıelerin ornatý.Búgingi tańda 3 joba júzege asyryldy:
2 joba aýyl sharýashylyǵy ónimderin qaıta óńdeý 1 joba kókónis qoımasyn qaıta qurý.Al, 12 joba iske asyrý satysynda tur, olardy iske qosý 2025 jyldyń sońyna deıin josparlanǵan.