Karateshi Jolaman Bıǵabyl О́zbekstan astanasy Tashkentte ótip jatqan Azııa chempıonatynda top jardy, dep habarlaıdy Egemen.kz Týrızm jáne sport mınıstrligi Sportty damytý dıreksııasynyń baspasóz qyzmetine silteme jasap.
Otandasymyz kýmıte baǵdarlamasynda 55 kg deıingi salmaqtyń fınalynda ózbekstandyq Sobıthon Qosımovty aıqyn jeńdi.
Bul - Qazaqstan quramasynyń qorjynyna túsken Tashkenttegi alǵashqy altyn. Alda áli jekeleı synda 3 sportshymyz, sosyn, Qazaqstan áıelder komandasy qurlyqtyń altyn medaline talasady.
Buǵan deıin Móldir Jańbyrbaı (-50 kg), Ásel Qanaı (-61 kg), Danııar Iýldashev (-84 kg) pen kýmıteden Qazaqstan erler quramasy qola júlde oljalaǵan edi.
Bıyl Azııa chempıonatynda 29 memlekettiń taýdaýly 421 sportshysy júldege talasyp jatyr.
О́zbekstan osyǵan deıin de karateden sary qurlyq chempıonatyn úsh ret ótkizdi.
Bizdiń Ulttyq quramanyń karateshileri buǵan deıin
2022 jyly 2 altyn, 4 kúmis, 2 qola (jalpy esepte 3-oryn) 2019 jyly 1 altyn, 2 kúmis (5-oryn), 2012 jyly 1 altyn 3 kúmis 2 qola (4-oryn) oljalaǵan bolatyn.