Olımpıada chempıony, kásipqoı boksshy Danııar Eleýsinov kelesi jekpe-jegin 2025 jyldyń 19 shildesinde AQSh-tyń Pensılvanııa shtatynda ótkizedi. Bul týraly bedeldi BoxRec portaly habarlady. Qazirgi tańda onyń qarsylasy kim ekeni áli belgisiz, dep habarlaıdy Egemen.kz.
Sol kúni ótetin boks keshinde taǵy bir qazaqstandyq tanymal boksshy Ivan Dychko da sharshy alańǵa shyǵady.
Eleýsinov sońǵy ret kásipqoı rıngke 2021 jyldyń jeltoqsan aıynda shyqqan bolatyn. Ol kásipqoı boksta 12 kezdesý ótkizip, barlyǵynda jeńiske jetken. 2016 jyly Rıo Olımpıadasynda altyn medal jeńip alǵan.
2021 jyly IBO nusqasy boıynsha jartylaı orta salmaqta álem chempıony atanǵanymen, mansabyndaǵy úziliske baılanysty chempıondyq belbeýinen bas tartýǵa májbúr boldy. Aıta keteıik, 2024 jyldyń 28 aqpanynda Astanada onyń kezekti jekpe-jegi ótýi kerek edi, alaıda boksshynyń jaraqatyna baılanysty jekpe-jek ótpeı qaldy.