Máskeýde polısııa men áskerde qyzmettik boryshyn óteý kezinde qaza tapqan qyzmetkerlerdi eske alýǵa arnalǵan dzıýdodan 19-shy halyqaralyq týrnırden qaraǵandylyq sportshy qola júlde qanjyǵalady, dep habarlaıdy Egemen.kz.
Baıraqty dodada álemniń 9 elinen kelgen 19 komanda baq synady. Jarys Krylatskoe aýdanyndaǵy Olımpıada qalashyǵynda ornalasqan «Basket Holl» sport kesheninde uıymdastyryldy.
Qazaqstan Respýblıkasynan bul týrnırge Ishki ister mınıstrliginiń (IIM) quramasy qatysyp óz kúshterin synady. Atalmysh qurama komandanyń quramynda Ulttyq ulannyń sportshysy da boldy. Ulttyq ulan atynan jarysqa qatysqan jalǵyz jaýynger – 6505 áskerı bóliminiń qyzmetkeri qatardaǵy Qylysh Erenqaıypov 66 keli salmaq dárejesinde beldesip, qola júldeni ıelendi.
Bul – tek Ulttyq ulan emes, kúlli qazaqstandyq sport úshin de zor jetistik. Sonymen qatar, Qylysh Nurlanuly jaqynda ǵana Semeı qalasynda ótken Ulttyq ulannyń ishki birinshiligi – qazaq kúresinen ótken chempıonatta qarsylastaryna des bermeı, 1-oryndy jeńip alǵan bolatyn. Eki túrli kúres túrinen de úzdik nátıje kórsetken jas sarbaz – Ulttyq ulannyń abyroıyn asqaqtatyp, óz eńbekqorlyǵy men qaısarlyǵyn dáleldedi.
Qaraǵandy oblysy