Memleket basshysy Qasym-Jomart Toqaev Qaırat Sadyqovty Qorǵanys mınıstriniń orynbasary, Qarýly Kúshter Áýe qorǵanysy kúshteriniń bas qolbasshysy etip taǵaıyndady, dep habarlaıdy Egemen.kz Aqordanyń baspasóz qyzmetine silteme jasap.
Memleket basshysynyń ókimimen Qaırat Ánýarbekuly Sadyqov Qazaqstan Respýblıkasy Qorǵanys mınıstriniń orynbasary – Qazaqstan Respýblıkasy Qarýly Kúshteri Áýe qorǵanysy kúshteriniń Joǵarǵy Bas qolbasshysy laýazymyna taǵaıyndaldy.
Osy taǵaıyndaýǵa deıin Qaırat Sadyqov Qazaqstan Qarýly Kúshteri Áýe qorǵanysy kúshteri Bas qolbasshysynyń birinshi orynbasary – Bas qolbasshy shtabynyń bastyǵy qyzmetin atqardy.
Eske salaıyq, 8 maýsymda el prezıdentiniń jarlyǵymen Rýslan Jaqsylyqov QR Qorǵanys mınıstri qyzmetinen bosatylǵan bolatyn. Qorǵanys basqarmasynyń jańa basshysy bolyp Dáýren Qosanov taǵaıyndalǵan edi.