Qasym-Jomart Toqaev Danıel Shapý men onyń otandastaryn Mozambık Respýblıkasynyń táýelsizdigine 50 jyl tolýymen quttyqtady, dep habarlaıdy Egemen.kz Aqordanyń baspasóz qyzmetine silteme jasap.
«Osynaý tarıhı kún halqyńyzdyń birligi men jasampazdyǵynyń aıqyn nyshany, memlekettilik pen turaqty damýdyń myzǵymas tuǵyry retinde erekshe mánge ıe. Elińiz táýelsizdik qundylyqtaryn tý etip, aldaǵy ýaqytta da bıik maqsat-muratqa jete berýine tilektespin», dep jazylǵan jedelhatta.
Prezıdent Qazaqstan men Mozambık arasyndaǵy dostyq qarym-qatynas odan ári damı beretinine senim bildirdi.