2026 jyldyń 1 qańtarynan bastap Qazaqstanda zeınetaqy men áleýmettik járdemaqylardyń mólsheri ósedi. Bul týraly Eńbek jáne halyqty áleýmettik qorǵaý mınıstri Svetlana Jaqypova Parlament palatalarynyń birlesken otyrysy aıasynda málimdedi, dep jazady Egemen.kz.
Mınıstrdiń aıtýynsha, 2026 jylǵy bıýdjette tólemderdi arttyrýǵa 622,4 mıllıard teńgeden astam qarajat qarastyrylǵan. О́sý mólsheri ınflıasııa deńgeıine baılanysty 10%-ǵa deıin jetedi. 2026 jyly ınflıasııa 10,5% deńgeıinde bolady dep boljanyp otyr.
«Zeınetaqy tólemderin alatyn barlyq azamattarǵa arttyrý josparlanǵan. Bul yntymaqty jáne bazalyq zeınetaqy, sondaı-aq múgedektigi bar adamdarǵa tólemder, múgedek balany tárbıelep otyrǵan ata-analarǵa, asyraýshysynan aıyrylǵan otbasylarǵa arnalǵan járdemaqylar», dedi Svetlana Jaqypova.
Buǵan deıin elimizde 2026 jyldan bastap eń tómengi jalaqy mólsheri artatynyn habarlaǵan edik.