Alaıaqtyqqa qatysty qylmysty – Qaraǵandy qalasynyń polısııa qyzmetkerleri almatylyq áriptestermen birlesip ashqan. Almaty qalasynda ustalǵan kórshi eldiń eki azamaty 77 jastaǵy Qaraǵandy turǵynyn aldap, qomaqty qarjysyn ıemdengen, dep habarlaıdy Egemen.kz.
Alaıaqtar ózderin bank qaýipsizdik qyzmetiniń ókili retinde tanystyryp, áıel adamǵa qońyraý shalyp, jınaqtaryn «qorǵaý» qajet degen syltaýmen barlyq qarajatyn óz erkimen berýge kóndirgen. Zeınetker bastapqyda ózine alaıaqtyq jasalǵanyna senbegen. Polıseılermen uzaq áńgimeleskennen keıin ǵana aldanǵanyn túsingen.
Polisia.kz saıtynyń habarlaýynsha tintý barysynda kúdiktilerden jalpy somasy 22 mıllıon teńge tárkilendi. Atalǵan fakti boıynsha sotqa deıingi tergeý bastaldy. Kúdiktilerdiń basqa da uqsas qylmystarǵa qatysy bar-joǵy tekserilip jatyr.