Italııalyq ǵalymdar adamnyń túrin kórmeı-aq, «Wi-Fi» sıgnaly arqyly ony tanýǵa bolatyn jańa tehnologııa oılap tapty.
Bul júıeniń ataýy – «WhoFi». Adam bólmede júrgen kezde onyń denesi «Wi-Fi» tolqynyn bógep, ózgertedi. Bul – ár adamda ártúrli bolady, ıaǵnı árkimniń «Wi-Fi izi» erekshe. Ǵalymdar osy sıgnaldyń ózgerisin ólshep, arnaıy jasandy ıntellekt arqyly kim ekenin anyqtaıtyn ádis oılap tapqan. Synaq kezinde bul júıe adamdy 95,5% dáldikpen tanyǵan. Endi bolashaqta bul tehnologııany qaýipsizdik júıelerinde, aqyldy úılerde, aýrýhanalarda qoldanýǵa bolady.