QR Qorǵanys mınıstri, avıasııa general-leıtenanty Dáýren Qosanov 25 shildede joǵalyp ketken Áýe qorǵanysy kúshterine tıesili EC-145 tikushaǵyn izdeý jumystarynyń júrgizilý barysymen tanysty. Izdestirý operasııasy Sorbulaq kólinde júrip jatyr, dep habarlaıdy Egemen.kz.
Áskerı-áýe kúshteriniń qolbasshysy, avıasııa general-maıory Asqar Izbasov mınıstrge izdeý jumystarynyń naqty jaǵdaıyn baıandap, bul aýmaqtaǵy tabıǵı jáne tehnogendik jaǵdaılardyń izdeý úderisin qıyndatyp otyrǵanyn atap ótti. Kól túbiniń shógindi qurylymy, tereńdiktiń ózgermeliligi jáne sýdyń laılyǵy arnaıy tehnıkalardy tolyq qoldanýdy, sondaı-aq operasııaǵa qatysýshylardyń úılesimdi áreketin talap etedi.
«Izdeý jumystaryna sý asty relefi men túbiniń shógindi, tereńdiginiń ózgermeli jáne sýdyń laı bolýy kedergi keltirýde. Alaıda, 25 shildede joǵalyp ketken Áýe qorǵanys kúshteri EC-145 tikushaǵynyń bortynda bolǵandardyń qaı jerde ekenin anyqtaý boıynsha aýqymdy izdeý-qutqarý operasııasy kúndiz de, túnde de toqtamaıdy», dedi Áskerı-áýe kúshteriniń qolbasshysy.
Sorbulaqtaǵy izdeý aımaǵynda Qorǵanys mınıstri joǵalǵan áýe qyzmetkerleriniń jaqyndarymen júzdesti. Mınıstr olardy qoldap, barlyq kúsh-quraldyń jumyldyrylǵanyn, izdeý jumystary toqtamaı jalǵasatynyn jetkizdi.
«Biz sońyna deıin áreket etip, izdeýdi jalǵastyramyz. Jaqyn týystaryna jan-jaqty qoldaý kórsetiledi, kún saıyn baılanystamyz. Qaıǵyly jaǵdaıdyń sebepterin anyqtaý jáne joǵalǵandardy tabý úshin bar kúshimizdi salamyz», dedi Qorǵanys mınıstri.
Tikushaq ekıpajynyń komandıri Úısenbaı Nurjigittiń aǵasy Medet Erjigittiń aıtýynsha, týystary kún saıyn tańnan keshke deıin izdeý aımaǵynda júredi. Olar izdeý tobynyń qatarynda kóldi jaıaý jáne kólikpen aralap, áýeden baqylaý júrgizý arqyly tikushaqty sý astynan kórý múmkin emestigin óz kózderimen kórgen.
Esterińizge sala keteıik, izdeý-qutqarý operasııasyna 400-den astam adam, kınologııalyq toptar, 70-ten asa tehnıka, 21 júzý quraly, 10 ushqyshsyz ushý apparaty, eholottar men sýasty skanerleý qurylǵylary tartylǵan.