Halyqaralyq ústel tennısi federasııasynyń (ITTF) tóreshiler komıtetiniń habarlaýynsha jas tóreshilerge arnalǵan jańa joba bastaldy. Úmitkerler – Senegaldyń Dakar qalasynda jasóspirimder arasynda 2026 jyly ótetin Olımpıada oıyndaryna tóreshi retinde qatysýǵa irikteledi, dep jazady Egemen.kz.
Ulttyq olımpıada komıtetiniń málimetinshe irikteý eki kezeńnen turady:
I kezeń (2025 jylǵy tamyz-jeltoqsan): ITTF sarapshylarynyń jetekshiligimen onlaın tálimgerlik, qajetti bilim-daǵdylardy meńgerý.
II kezeń (2026 jylǵy qańtar-tamyz): onlaın semınarlar, jobalardy baǵalaý jáne naqty jaǵdaıdaǵy tájirıbeler.
2026 jylǵy qazan aıynda Dakar qalasynda qorytyndy oqytý ótkizilmek.
Qazaqstan ústel tennısi federasııasy ITTF talaptaryna sáıkesetin eki úmitkerdi usynǵan, olar – halyqaralyq sanattaǵy tóreshi Dılnaz Jalaldın (Almaty) jáne arbıtr Artıom Orel (Qaraǵandy).