Qazaqstannyń quqyq qorǵaý organdary Astana LRT kompanııasynyń burynǵy basshysy Talǵat Ardandy ekstradısııalaýǵa qatysty Túrkııa sheshimin kútip otyr, dep habarlaıdy Egemen.kz.
Bas prokýratýra tarapynan berilgen resmı jaýapta Túrkııa Respýblıkasynyń Ádilet mınıstrligine kúdiktini berý týraly suranys jiberilgendigi aıtylady.
Alaıda, búginge deıin túrik tarapy atalǵan suranysqa qatysty túpkilikti sheshim qabyldamaǵan. Bul Qazaqstan men Túrkııa arasynda 1995 jyldyń 15 tamyzynda qabyldanǵan Qylmystyq ister boıynsha quqyqtyq kómek jáne tulǵalardy berý týraly kelisimde suranystyń qaralý naqty merzimi bekitilmeýine baılanysty bolyp otyr.
— Sondyqtan Talǵat Ardandy ekstradısııalaý týraly suranysty qaraý Túrkııanyń ulttyq zańnamasyna sáıkes júzege asyrylady, — dep naqtylaıdy Bas prokýratýradan.