Densaýlyq saqtaý mınıstrligi qoldanystaǵy 17 aqparattyq júıeni 6 negizgi quramdas bólikke biriktiretin E-Densaulyq ekojúıesiniń arhıtektýrasyn iske asyryp jatyr, dep jazady Egemen.kz.
— Ekojúıeniń ózegi menshik nysanyna qaramastan medısınalyq aqparattyq júıelermen ıntegrasııalaýdyń esebinen azamattardyń barlyq medısınalyq derekteri jınaqtalatyn medısınalyq derekterdiń biryńǵaı qoımasy bolady.
2026 jylǵa qaraı azamattar ózderiniń elektrondyq densaýlyq pasporttaryna tolyqqandy qol jetkize alady, al «pasıentke derekter» qaǵıdaty medısınany ashyq jáne basqarylatyn etýge múmkindik beredi, — delingen DSM habarlamasynda.
Ekojúıeniń negizgi komponentteri:
● halyqty bekitý tirkelimi
● densaýlyq saqtaý resýrstaryn basqarý júıesi (kadrlardy, jabdyqtardy, lısenzııalardy esepke alý)
● Dári-dármekpen qamtamasyz etý AJ
● Medısınalyq kómekke aqy tóleýdiń biryńǵaı júıesi
— Biryńǵaı tólem júıesi osy jyldyń shilde aıynan bastap búkil el boıynsha jumys isteıtinin aıta ketken jón. Ol kórsetilgen qyzmetterdiń 100% monıtorıngin qamtamasyz etedi. Jańa júıede buzýshylyqtardy anyqtaý algorıtmderi avtomattandyrylǵan, al medısınalyq uıymdardyń qarsylyqtaryn sarapshylar aýmaqtan tys formatta qaraıdy, — delingen habarlamada.
Kelesi kezeńde densaýlyq saqtaý resýrstaryn basqarý júıesi iske qosylady, ol kadrlardy, tehnıka men medısınalyq jabdyqtardy eskere otyryp, ınfraqurylymdy damytýdy josparlaýǵa múmkindik beredi.
Barlyq IT-sheshimder paıdalanýshylardyń úsh sanatyna baǵyttalǵan:
Azamattar úshin:● 8 medısınalyq anyqtama sıfrlyq formatqa aýystyryldy, onyń 5-i tolyǵymen qaǵaz balamasyz;
● Pasıentterdiń 80%-y «Áleýmettik ámııan» sıfrlyq servısi arqyly ADQ sheńberinde dári-dármek alady;
● 3,5 mıllıon pasıent dári-dármekterge degen qajettilikti jeke esepteýmen qamtamasyz etilgen.
Medısına qyzmetkerleri úshin:● júıelerdi biriktirý jáne qaıtalanatyn áreketterdi azaıtý arqyly personalǵa júktemeni 40%-ǵa deıin tómendetý;
● 147 medısınalyq uıym aýyl turǵyndaryna kómek kórsetýdi qosa alǵanda, telemedısına pılotyna qatysady;
● 2 AI-sheshimder (CEREBRA.AI jáne WDSOFT) ınsýlt pen sút bezi obyryn erte anyqtaý úshin praktıkaǵa engizilgen.
Jaqyn arada balalardyń, áıelderdiń jáne dınamıkalyq baqylaýdaǵy adamdardyń densaýlyǵyn sıfrlyq monıtorıngpen qamtý josparlanyp otyr.
Jeke dárihanalar arqyly dárilik zattarmen qamtamasyz etýdi transformasııalaýdy júrgizý.
2024 jyldan bastap MAJ pasıentterdi sáıkestendirý úshin Face ID tehnologııasyn engizdi. Qazirdiń ózinde azamattardyń 57%-y sıfrlyq qyzmetter arqyly tirkeledi: Face ID, «Sıfrlyq qujat» nemese pasıenttiń kody.