Qostanaı oblysy Beıimbet Maılın aýdanynda 96 mln teńge sýbsıdııa jymqyrylǵan, dep habarlaıdy oblystyq prokýratýra.
Bul sýbsıdııa mal azyǵy qunyn arzandatýǵa jáne seleksııalyq jumystardy júrgizýge baǵyttalǵan.
Aýdan prokýratýrasy Qylmystyq kodekstiń 190-babynyń 4-bóligi 2) tarmaǵy "Asa iri mólsherde jasalǵan alaıaqtyq" boıynsha sotqa deıingi tergeý júrgizdi.
- Qylmystyq is Qostanaı oblysy prokýratýrasynyń baqylaýymen tergelip, nátıjesinde úsh mamannyń qylmystyq áreketi dáleldenip, is sotqa joldandy. Sottalýshylardyń óz kinásin tolyq moıyndaýyna baılanysty qylmystyq is qysqartylǵan tártippen qaraldy, - deıdi vedomstvo.
Qylmystyq isti Beıimbet Maılın aýdandyq soty qarady. Sot úkimimen kináliler ártúrli merzimge bas bostandyǵynan aıyryldy.
Sonymen qatar memleketke keltirilgen materıaldyq zalaldy óteý maqsatynda sottalýshylardan 96 mıllıon teńgeden astam soma ortaq tártippen óndirildi.