Jylýǵa jaýaptylardyń málimdeýinshe, Túrkistan oblysy 2025-2026 jyldardaǵy jylytý maýsymyna tolyq daıyn, dep habarlaıdy Egemen.kz.
Qurylys normalary men erejelerine sáıkes óńirde jylytý maýsymy 148 táýlikti quraıdy. Oblys aýmaǵynda jylytý maýsymy aýa raıyna baılanysty 15 qazannan bastap 1 qarashaǵa deıin kezeń-kezeńimen iske qosylady dep josparlanýda. Naqtyraq aıtqanda, Túlkibas, Qazyǵurt, Tólebı, Báıdibek, Sozaq, Saıram aýdandarynda jylý júıelerin qazan aıynyń 15-nen bastap qosý josparlanǵan bolsa, Kentaý qalasynda jylý 25 qazanda berilmek. Sonymen qatar Túrkistan jáne Arys qalalary men Maqtaaral, Jetisaı, Otyrar, Ordabasy, Saryaǵash, Saýran, Keles, Shardara aýdandaryn 1 qarashaǵa deıin jylý júıelerine qosý kózdelip otyr.
Oblys ortalyǵy Túrkistan qalasynda 18 qazandyq pen uzyndyǵy 56,3 shaqyrym bolatyn ortalyqtandyrylǵan jylý jelisi jumys isteıdi. Búginde jylý qazandyqtary 2025-2026 jyldardaǵy jylý berý maýsymyna tolyq daıyn. Onyń ishinde 12 qazandyq ákimshilik-iskerlik ortalyq pen Otyrar shaǵyn aýdanyndaǵy kóp qabatty turǵyn úıler men áleýmettik nysandardy úzdiksiz ystyq sýmen qamtamasyz etip otyr. Sonymen qatar, sport, densaýlyq saqtaý, bilim berý, mádenıet jáne jumyspen qamtýdy úılestirý salalaryndaǵy barlyq bıýdjettik mekemelerdiń qazandyqtary tabıǵı gazǵa qosylǵan. Sonymen qatar qajetti otyn qorlary jasaqtalyp, jetkizildi. Jylý berý maýsymy kezinde aqaýlardyń aldyn alý úshin jedel áreket etý toptary qurylǵan.