Bas Prokýrordyń buıryǵymen endi Atyraý oblysynyń prokýrory qyzmetin Madııar Basshybaev atqarady, dep jazady Egemen.kz.
Bas prokýratýranyń málimetinshe, Madııar Bekenuly 1979 jyly Almaty oblysynda dúnıege kelgen. Ál-Farabı atyndaǵy Qazaq ulttyq ýnıversıtetiniń zań fakýltetin quqyqtaný mamandyǵymen bitirgen.
Eńbek jolyn 2000 jyly Aqtóbe oblysynyń prokýratýrasynda basqarma prokýrory bolyp bastaǵan. Ár jyldary Aqtóbe oblysy men Almaty qalasynyń prokýratýralarynda qurylymdyq bólimshelerdi basqardy.
Almatydaǵy Medeý, Almaly aýdandarynyń prokýrory, Almaty qalasy prokýratýrasynyń apparat basshysy, Bas prokýratýranyń Strategııalyq damý departamenti bastyǵynyń orynbasary boldy.
Keıin Batys Qazaqstan oblysy prokýrorynyń orynbasary, osy kezge deıin Jetisý oblysynyń prokýrory qyzmetin atqaryp kelgen.