Qarmaqshy aýdandyq sotynda jergilikti turǵynǵa qatysty ÁQBtK-niń 73-baby 2-bóligi boıynsha ákimshilik quqyq buzýshylyq týraly is qaraldy, dep jazady Egemen.kz.
Buǵan deıin de ákimshilik jaza qoldanylǵan azamat osy joly araqqa sylqııa toıyp, anasyna aýyr sóılep, otbasynyń mazasyn alǵan. Bir jyl ishinde quqyq buzýshylyqty qaıtalap jasaǵan onyń kinási is qujattarymen qosa, ákimshilik quqyq buzýshylyq týraly hattamamen jáne taǵy da basqa qujattarmen dáleldenip otyr.
Sot otyrysynda quqyq buzýshy kinásin moıyndap, qoǵamdyq jumysqa tartýdy surady. Sot quqyq buzýshynyń jaýaptylyǵyn jeńildetetin mán-jaılardy eskerip, ony ÁQBtK-niń 73-baby 2-bóligimen kináli dep taýyp, oǵan 40 saǵatqa qoǵamdyq jumystarǵa tartý jazasyn taǵaıyndady.
Sonymen qosa, quqyq buzýshynyń minez-qulqyna erekshe talaptar belgileý týraly Qarmaqshy aýdandyq polısııa bóliminiń usynysy qanaǵattandyryldy.