Álemniń 25 elindegi turǵyndar jasandy ıntellekt (JI) tehnologııasyna qatysty kóbinese saqtyq tanytyp otyr. Pew Research Center-diń 2025 jylǵy kóktemde júrgizgen saýalnamasyna sáıkes, 25 eldiń orta eseppen 34%-y JI týraly kóp estigenin, 47%-y azdap estigenin, al 14%-y múlde estimegenin jetkizgen, dep jazady Egemen.kz.
Orta eseppen 34% eresek adamdar JI-niń taralýyna saqtyqpen qaraıtynyn aıtsa, 42% adamdar enjarlyq tanytqan. Al 16% respondentter, kerisinshe, JI-ǵa oń kózqaraspen qaraıdy.
Al AQSh, Italııa, Avstralııa, Brazılııa jáne Gresııada shamamen ár ekinshi respondent jasandy ıntellekt tehnologııalaryna alańdaýshylyq bildirgen. Ońtústik Koreıada tek 16% ǵana respondent saqtyq tanytqan.
Zertteý sonymen qatar eldiń kiris deńgeıi men JI týraly habardarlyq arasynda aıqyn baılanys bar ekenin kórsetken. Joǵary tabysty elderdiń turǵyndary, mysaly Japonııa, Germanııa, Fransııa jáne AQSh azamattary, JI-ni jaqsy bilse, kedeı elderde, mysaly Úndistanda 14%, Kenııada 12% ǵana kóp estigenin aıtqan.
Sonymen qatar saýalnama barysynda adamdarǵa óz elderi, Eýropalyq Odaq, AQSh jáne Qytaıdyń jasandy ıntellektini tıimdi retteı alatynyna senimderi týraly suraq qoıylǵan. Úndistanda 89%, Indonezııada 74%, Izraılde 72% respondentter JI retteýge memleket senimdi dep sanaǵan. Al Grekııada tek 22% respondent óz elderine senim bildirgen. AQSh-ta adamdar ekige bólingen – 44% senedi, 47% senbeıdi. Mysaly, respýblıkashyldar men olarǵa jaqyn táýelsizder (54%) tıimdi retteıtinine sense, demokrattar men partııany qoldaýshylar arasynda bul kórsetkish 36%-dy quraıdy.
Halyqaralyq salystyrmaly turǵydan alǵanda, adamdar Eýropalyq Odaqqa JI-ni retteý boıynsha AQSh pen Qytaıǵa qaraǵanda kóbirek senedi. Orta eseppen 53% eresek adamdar EO-ǵa, 37% AQSh-qa, 27% Qytaıǵa senim bildirgen.
Demografııalyq erekshelikter de aıqyn baıqalady. Mysaly, Grekııada 35 jasqa deıingi azamattardyń 68%-y JI týraly kóp estigen, al 50 jastan asqandar arasynda bul kórsetkish 20% ǵana.
Pew Research Center málimetteri boıynsha, álem turǵyndarynyń kópshiligi JI-ǵa qatysty saqtyq tanytatynyn kórsetedi.