Almaty qalasynda FAIO 2025 – jasandy ıntellekt boıynsha ekinshi halyqaralyq olımpıada búgin bastaldy, erteń 31 qazanda aıaqtalady. Bul JI salasyndaǵy oqýshylardyń eń iri komandalyq jarysy, dep jazady Egemen.kz.
Eske salaıyq, bıylǵy irikteý kezeńine Qazaqstan, Reseı, Bolgarııa, Grýzııa, Qyrǵyzstan, О́zbekstan, Armenııa, Tájikstan, Kıpr, ıaǵnı 9 elden 400-den astam komanda, jalpy sany 1200-ge jýyq qatysýshy baq synap, onyń ishinde 200-den astamy fınaldyq kezeńge joldama aldy.
Oqý-aǵartý mınıstrliginiń málimetinshe endi Almatyda fınalda 7 elden kelgen 51 komanda tartysqa túsedi.
Halyqaralyq báseke 2024 jyly alǵash ret ótkizilip, oǵan elimizdiń ár óńirinen 300-den astam komanda qatysyp, olımpıada fınalısteri Beıjiń qalasynda ótken Halyqaralyq AI olımpıadasynda (IOAI) joǵary nátıjelerge qol jetkizgen.