О́tken demalys kúnderi barlyq óńirde uıymdastyrylǵan aýyl sharýashylyǵy jármeńkelerine 170 myńǵa jýyq adam kelgen. Tutynýshylar tarapynan et ónimderine suranys kóp bolyp, 300 tonnadan astam et satyldy, dep jazady Egemen.kz Saýda jáne ıntegrasııa mınıstrliginiń málimetine silteme jasap.
Astana men Almatyda jármeńke barysynda bir kelisi 3 000-3 500 teńgeden 20 tonna sıyr eti satylǵan.
Batys Qazaqstan oblysynda sharýa qojalyqtary qus eti, úırek, qaz, túıetaýyq, sondaı-aq sıyr, jylqy jáne shoshqa etin saýdalady. Barlyq ónim joǵary sapa jáne qoljetimdi baǵamen erekshelendi. Máselen, sıyr jáne jylqy etiniń 1 kelisi 2 700-2 800 teńgeden usynylǵan.
О́skemen qalasynda Marqakól aýdanynan kelgen fermerlerden 2 tonna sıyr etiniń 1 kelisi 3 000 teńgeden, 3 tonna jylqy etiniń 1 kelisi 2 800 teńgeden, 3 tonna qoı etiniń 1 kelisi 3 200 teńgeden saýdalanǵan.
Jyl basynan beri elimizde 504 aýylsharýashylyq jármeńkesi ótip, onda jalpy kólemi 7,9 myń tonna ónim 5,3 mlrd teńgege saýdalanǵan.