Memleket basshysynyń quqyq qorǵaý júıesin jańǵyrtý jáne sottalǵandardy eńbekpen qamtý jónindegi tapsyrmasy aıasynda Qostanaı oblysynyń №38 túzeý mekemesinde eki birdeı jańa modýldik óndiristik ǵımarat ashyldy, dep habarlaıdy Egemen.kz.
Túzeý mekemesiniń materıaldyq-tehnıkalyq jaǵdaıyn jaqsartýdy, sondaı-aq sottalǵandardy eńbekke, qoǵamǵa qaıta beıimdeýdi kózdeıtin jańa nysandar DMP panelderi, korpýstyq jáne jumsaq jıhaz, brýschatka, bıg-beg qaptaryn, jeńil qurylys panelderin óndiretin bolady. Tipti, fın tehnologııasy boıynsha qurastyrmaly úı qańqalaryn da shyǵarý josparda bar. Aýqymdy joba 150 sottalǵan adamdy turaqty jumyspen qamtamasyz etedi.
«Jańa óndiris oryndary sottalǵan azamattardyń kásibı daǵdysyn damytýǵa, áleýmettik beıimdelýine jáne bostandyqqa shyqqannan keıin eńbek naryǵynda básekege qabiletti bolýyna jol ashady», deıdi túzeý mekemesiniń basshylary.
Qostanaı oblysy