Shyǵys Qazaqstan oblysynyń (ShQO) Kásipkerler palatasy (KP) áleýmettik mańyzy bar azyq-túlik taýarlarynyń tizbesine ózgerister engizý týraly Saýda jáne ıntegrasııa mınıstriniń buıryq jobasyna qatysty óz ustanymyn usyndy, dep habarlaıdy Egemen.kz «Atameken» UKP málimetine silteme jasap.
ShQO KP aqparatyna sáıkes, óńir kásipkerleri ınflıasııany tejeý jáne azyq-túlik qaýipsizdigin qamtamasyz etý sııaqty bastamanyń negizgi maqsatyn qoldaı otyryp, onyń áleýmettik mańyzdylyǵyn (qujatta baǵalary memlekettik retteýge jatatyn taýarlar tizimin keńeıtý qarastyrylǵan) moıyndap otyr. Alaıda olar is júzinde usynylyp otyrǵan sharalar áýeli shaǵyn bızneske keri áserin tıgizedi dep sanaıdy. «Úı janyndaǵy» dúkender ıeleriniń pikirinshe, áleýmettik mańyzy bar azyq-túlik taýarlarynyń tizbesin 33 pozısııaǵa deıin keńeıtý olardyń qyzmetine qosymsha qıyndyqtar men qaýip-qaterler týǵyzady.
Halyqqa tikeleı áser etediShQO KP-nyń dırektory Qaırat Mamyrbaev qazirgi jaǵdaı shaǵyn jáne mıkrobıznes úshin júıeli táýekelder alyp keletinin aıtty.
«Úı janyndaǵy dúkender joǵary ózindik qun jaǵdaıynda jumys isteıdi: satyp alý baǵalary, jaldaý aqysy, logıstıka, kommýnaldyq tólemder jáne jalaqy jyl saıyn ósedi. 33 pozısııa boıynsha saýda ústemesin 10-15%-ǵa shekteý kásipkerlerdi shyǵyndaryn jabý múmkindiginen aıyrady. Bul nóldik nemese tipti teris tabysqa ákeledi. Biz shaǵyn dúkenderdiń jabylý qaýpin jáne taýar túrleriniń qysqarýyn kórip otyrmyz, bul tikeleı halyqqa áser etedi», dedi Qaırat Mamyrbaev.
Tapshylyq týyndaý qaýpi barShyǵys Qazaqstan oblysynyń Kásipkerler palatasynyń quqyqtyq máseleler jónindegi dırektordyń orynbasary Aıjan Jáńgirhanova da tizbeniń keńeıýi qosymsha ákimshilik júkteme týǵyzatynyn aıtty: kásipkerlerge satyp alý jáne bólshek baǵalardy qadaǵalap, ústeme saqtalǵanyn rastaý, ár taýar boıynsha eseptilik berý qajet bolady. Al baǵalardy óndirýshiler, kóterme jetkizýshiler men dıstrıbıýtorlar qalyptastyrady, dúkenderdiń olarǵa yqpal etý múmkindigi joq.
«Eger jetkizýshiler kólemderdi basqa ótkizý arnalaryna qaıta bólise bastasa, áleýmettik mańyzy bar taýarlardyń tapshylyǵy týyndaý qaýpi bar. Al qosylǵan pozısııalardyń basym bóligi – tez buzylatyn ónimder. Esep shottan shyǵaryp tastaý men shyǵyndar táýekeli birneshe esege artady», dedi A.Jángirhanova.
Eń bolmasa, tarıfter jeńildetilse...Eske salaıyq, buǵan deıin kásipkerler «úı janyndaǵy» dúkender úshin kommýnaldyq qyzmetter boıynsha bólek tarıftik sanatty engizý múmkindigin qarastyrýdy suraǵan. Alaıda ótinish qoldaý tappaǵan. Osyǵan baılanysty Palata bul máselege qaıta oralýdy jáne kem degende áleýmettik mańyzy bar taýarlardy satatyn dúkender úshin jeńildetilgen tarıfterdi qarastyrýdy usynady.
Memleket pen bıznes arasyndaǵy dıalog qajet«Eger memleket baǵany ustap turǵysy kelse, ózindik qunnyń barlyq quramdas bólikterin eskerý qajet. Biz kommýnaldyq qyzmetter boıynsha eń joǵary shyǵyn úlesin kóteremiz – tabystyń 30%-na deıin. Qoldaý keshendi bolýy tıis, áıtpese naqty shyǵyndardan tys baǵa retteýi ınflıasııalyq qysymdy kúsheıtedi», deıdi kásipkerler.
ShQO Kásipkerler palatasynda áleýmettik mańyzy bar taýarlardyń tizbesin ózgertý jónindegi bastamalar bıznes arasynda aıtarlyqtaı alańdaýshylyq týdyratyny aıtyldy. Qatań baǵa retteýi jáne ústemeaqyny shekteý tabystylyqtyń tómendeýine, dúkenderdiń jabylýyna jáne naryqta tapshylyq qaýpine ákelýi múmkin.
«Memleket pen bıznes arasyndaǵy dıalog qajet. Biz áleýmettik mańyzy bar taýarlar men ekonomıkalyq tıimdilik arasyndaǵy balansty tabýymyz kerek. Olaı bolmaǵan jaǵdaıda, shaǵyn bıznestiń turaqtylyǵy men óńir turǵyndarynyń qolaılylyǵy qaýipke ushyraıdy», dep túıindedi ShQO KP-nyń dırektory Qaırat Mamyrbaev.