Ulttyq qaýipsizdik komıteti 2025 jyly atqarylǵan sybaılas jemqorlyqqa qarsy is-qımyl nátıjelerin jarııalady. Byltyr komıtet qyzmetkerleri 895 adamnyń zańsyz áreketiniń jolyn kesken, dep jazady Egemen.kz.
Sybaılas jemqorlyqqa qatysty 1 052 qylmystyq is qozǵalyp, 969-yna qatysty tergeý aıaqtalǵan. Onyń 860-y sotqa joldanǵan.
Komıtet málimetinshe, sybaılas jemqorlyq faktileriniń basym bóligi para alý jáne bıýdjet qarajatyn urlaý sııaqty qylmystarǵa qatysty ekeni anyqtaldy.
Qazaqstan TMD elderimen sybaılas jemqorlyqqa qarsy kúres týraly kelisimdi ratıfıkasııalady
Sybaılas jemqorlyqqa qarsy is-qımyl nátıjelerinde el bıýdjetine 16,1 mlrd teńge qaıtarylyp, quny 3,3 mlrd teńge bolatyn múlikke tyıym salyndy.
Sondaı-aq sybaılas jemqorlyq faktileri týraly habarlaǵan 61 adamǵa 24,2 mln teńge somasynda syıaqy berildi.
Buǵan deıin de elimizdegi sybaılas jemqorlyqqa qarsy reformalardyń nátıjelerin jarııalaǵanbyz.
Aıta keteıik, ótken aıda «Qazaq gazetteri» seriktestiginde sybaılas jemqorlyqtyń aldyn alý máseleleri talqylandy.