Izraıl 2025 jyly 10 qazanda jasalǵan atysty toqtatý kelisimshartyn buzyp, Gaza sektorynyń ártúrli aımaqtaryna áýe soqqylaryn jasady, dep habarlaıdy Egemen.kz.
Anadolu Ajansı jazǵandaı, Izraıl áskerı ushaqtary Gaza sektorynda ornalasqan Rafah qalasynyń shyǵys aýdandaryn atqylaǵan. Sonymen qatar Han-Iýnýs qalasynyń shyǵys aýdandaryna da oq atqan.
Gaza qalasyndaǵy, eksklavtyń ákimshilik ortalyǵyndaǵy birneshe aýdan bir ýaqytta áýe jáne artıllerııalyq soqqyǵa ushyrady.
Bitim kelisimi kúshine engen kúnnen bastap Izraıl shabýyldarynyń saldarynan 612 palestınalyq qaza taýyp, 1640 adam jaraqat alǵan.
Izraıl armııasynyń eksklavqa massaly shabýyldary 2023 jylǵy 8 qazanda bastalǵan. Sol ýaqyttan beri 72 myńnan astam palestınalyq qaza taýyp, 171 myńnan astam adam jaraqat alǵan. Azamattyq ınfraqurylymnyń 90%-y joıylǵan.
Izraıl atysty toqtatý rejımine qaramastan Gazaǵa shabýylyn jalǵastyryp jatyr