Birikken Arab Ámirlikteriniń quqyq qorǵaý organdary Dýbaıda demalyp jatqan brıtandyq týrıst pen onyń ákesin qamaýǵa aldy. Buǵan qonaqúıdegi dron shabýylynyń saldaryn beınejazbaǵa túsirip, jelide bólisýi sebep bolǵan. Jergilikti bılik bul kadrlardy «ulttyq qaýipsizdikke tóngen qater» dep baǵalap otyr, dep jazady Egemen.kz.
Oqıǵa 28 aqpanda bedeldi «Fairmont The Palm» qonaqúıinde bolǵan. Ǵımaratqa dron soǵylyp, órt shyqqan. Saldarynan 4 adam zardap shekken. Demalysta júrgen 40 jastaǵy brıtandyq er adam bolǵan jaǵdaıdy uıaly telefonyna túsirip alǵan.
Ol vıdeolardy jarııalamaǵan, tek týystaryna jeke habarlama arqyly jiberip, óziniń aman ekenin jetkizgisi kelgen. Alaıda 10 kúnnen keıin, 9 naýryzda týrıst pen onyń ákesi ustalǵan. Bastapqyda «eki saǵattyq suraq-jaýap» dep josparlanǵan tekserý belgisiz merzimge sozylǵan.
«Detained in Dubai» uıymynyń jetekshisi Radha Stırlıngtiń aıtýynsha, ustalǵandardyń otbasy olardyń jaǵdaıyna alańdaýly.
«Eshqandaı qasaqana áreket bolǵan joq. Soǵan qaramastan zań boıynsha olardy belgisiz ýaqytqa deıin ustaýy múmkin», dedi ol.
Quqyq qorǵaýshynyń málimetinshe, kúdiktiler qazir tolyq oqshaýlaýda otyr – advokatpen, týystarymen nemese elshilik ókilderimen baılanysqa shyǵý múmkindigi joq. Týrıst óz áreketi úshin keshirim surap, bolǵan jaıtqa ókinetinin bildirgen.
Dýbaıdaǵy Amerıka konsýldyǵy otqa orandy
BAÁ zańdary qatańdatylǵanSońǵy ýaqytta dron shabýyldarynan keıin Dýbaı bıligi oqıǵalarǵa qatysty foto jáne vıdeo taratýǵa baqylaýdy kúsheıtken. Polısııa «úreı týdyratyn nemese jalǵan aqparat taratý» zańmen jazalanatynyn eskertken.
Quqyq qorǵaýshylardyń aıtýynsha, sońǵy aptalarda ondaǵan adam ustalǵan. Kúshtik qurylym ókilderi kóshede azamattardyń telefonyn tekserip, kúmándi jazbalardy óshirip jatyr. Tipti oqıǵa ornynda bolǵan adamdardyń ózi kúdikke ilinip otyr.
BAQ málimetinshe, keıbir azamattar jarııalanbaǵan materıaldar úshin de jaýapqa tartylǵan. Zań buzǵandarǵa eki jylǵa deıin bas bostandyǵynan aıyrý jáne iri kólemde aıyppul salý qarastyrylǵan.
Iran Dýbaıdaǵy Halyqaralyq qarjy ortalyǵyna soqqy jasady
Týrıster neni eskerýi tıis?Sarapshylardyń pikirinshe, qaýipsizdikke qatysty kez kelgen foto nemese vıdeony, tipti jeke hat arqyly jiberýdiń ózi saldarǵa ákelýi múmkin. Shekteý tek blogerlerge emes, qarapaıym týrısterge de qatysty.
Mamandar mundaı jaǵdaıda túsirilim jasamaýǵa jáne eshqandaı materıal taratpaýǵa keńes beredi. Sonymen qatar tek resmı aqparatqa súıenip, jergilikti bılik talaptaryn qatań saqtaý qajet.
Qazaqstandyq áýe kompanııasy Dýbaıǵa reısterdi 19 sáýirge deıin toqtatty