О́skemende Shyǵys Qazaqstan oblysy ákiminiń burynǵy birinshi orynbasary Jaqsylyq Omarǵa qatysty qylmystyq is boıynsha negizgi sot talqylaýy bastaldy. Oǵan iri kólemde alaıaqtyq jáne para alý aıyptary taǵylyp otyr, dep habarlaıdy Egemen.kz.
Is materıaldary О́skemen qalasynyń qylmystyq ister jónindegi mamandandyrylǵan aýdanaralyq sotyna túsken. Sot kabıneti derekterine sáıkes, aıyptalýshyǵa Qylmystyq kodekstiń 190-baby 3-bóligi jáne 366-baby 3-bóligi boıynsha – «iri mólsherdegi alaıaqtyq» jáne «iri kólemde para alý» aıyptary taǵylǵan.
Maıqaıyńdaǵy apatqa kináli sheneýnikter jazalandy
Negizgi sot otyrysy 19 naýryzǵa belgilengen. Is ashyq rejımde qaralady. Sot qujatynda aıyptalýshyǵa qatysty qamaýda ustaý túrindegi bultartpaý sharasy ózgerissiz qaldyrylyp, onyń merzimi is tolyq qaralǵanǵa deıin uzartylǵany kórsetilgen.
Ulttyq qaýipsizdik komıteti 18 aqpanda Jaqsylyq Omarǵa qatysty tergeý júrgizilip jatqanyn rastaǵan. Ol ShQO ákiminiń birinshi orynbasary qyzmetine 2025 jyldyń sáýir aıynda taǵaıyndalǵan.
Eldegi eń jas sheneýnikter kimder?
Buǵan deıin túrli memlekettik qyzmetter atqarǵan ol 2018-2024 jyldary О́skemen qalasynyń ákimi bolǵan, sondaı-aq ákimniń keńesshisi qyzmetin de atqarǵan.
Aldaǵy sot prosesi is boıynsha barlyq mán-jaıdy aıqyndap, quqyqtyq baǵa bermek.
Depýtat eks-sheneýnikterdiń Dýbaıdaǵy múlkine quqyqtyq baǵa berýdi talap etti