Bıyl sáýir aıynan bastap esirtki jetkizýdiń 9 halyqaralyq jáne 2 óńirlik arnasy joıyldy, sondaı-aq bir fıtozerthananyń qyzmeti zalalsyzdandyryldy, dep habarlaıdy Egemen.kz.
Aqtaý qalasynyń áýejaıynda jalpy salmaǵy bir keli bolatyn 114 apıyn kapsýlasyn jutyp, jasyryn ótkizbek bolǵan sheteldik azamat ustaldy.
Elorda áýejaıynda Ońtústik Azııa elderiniń birinen 12 keli gashısh maıyn jetkizgen kúdikti ustaldy.
Budan bólek, iri kólemdegi «kóknár sabaǵyn» kontrabandalyq jolmen alyp ótýge jáne taratýǵa, sondaı-aq atalǵan shıkizattan esirtki quraldaryn óndirýge kúdikti adamdardyń turaqty qylmystyq tobynyń quqyqqa qaıshy áreketiniń joly kesildi.
Barlyǵy 3,4 keli apıyn, 9 keli gashısh, 11,4 keli sıntetıkalyq esirtki, 18,5 keli gashısh maıy, 26,4 keli marıhýana, 110 gramm kokaın jáne 20 tonna kóknár sabany, sondaı-aq 150 lıtrden astam prekýrsor tárkilendi.
Atalǵan quqyqbuzýshylyqtar boıynsha elimizdiń 23 azamaty jáne 3 sheteldik ustaldy.
Qazir sotqa deıingi tergep-tekserý júrgizilip jatyr. Qylmystyq-prosestik kodekstiń 201-babyna sáıkes ózge aqparat jarııa etýge jatpaıdy.