Mańyzdy zańdar toptamasy qaralady

Aldaǵy palata otyrysynda senatorlar «Qazaqstan Respýblıkasynyń keıbir zańnamalyq aktilerine olardy Qazaqstan Respýblıkasynyń Konstıtýsııasyna sáı­kes keltirý, Qazaqstan Respýb­lıkasynyń saılaý, prokýratýra jáne áleýmettik qam­syz­dandyrý týraly zańnamasyn jetil­dirý máseleleri bo­ıynsha ózgerister men tolyq­tyrý­lar engizý týraly» jáne oǵan ilespe «Qazaq­stan Respýblıkasynyń Qylmys­tyq, Qylmystyq-pro­ses­tik, Qylmystyq-at­qarý kodeks­terine jáne Qazaq­stan Respýblıkasynyń Ákimshilik quqyq buzýshylyq týraly kodeksine olardy Qazaqstan Respýblıkasynyń Konstıtý­sııasyna sáıkes keltirý, Qazaqstan Respýblıkasynyń saılaý jáne prokýratýra týraly zańnamasyn jetil­dirý máseleleri boıynsha ózge­ris­ter men tolyqtyrýlar engizý týraly» zańdardy qaraıdy.

Atalǵan qujattardyń negizgi maqsaty – zańnamalyq akti­lerdi jańartylǵan Kons­tı­týsııa talaptaryna sáı­kestendirý, saılaý rásimderin jetildirý jáne ulttyq zań­namanyń jekelegen salalaryn odan ári damytý.Sonymen qatar kún tár­tibine «Qazaqstan Respýb­lıkasynyń keıbir zańnama­lyq aktilerine ǵylym, ǵylym­dy qajetsinetin aýmaqtar, áleýmettik qamsyzdandyrý, bilim berý, densaýlyq saqtaý jáne áskerı qyzmet máse­leleri boıynsha ózgerister men tolyqtyrýlar engizý týraly» zań engizildi. Zań normalary ǵylym jáne ǵylymı-tehnıkalyq qyzmet salasyndaǵy qoǵamdyq qaty­nastardy quqyqtyq retteý tetikterin jetildirýge, bilim, ǵylym jáne ekonomıka arasyndaǵy baılanys­ty nyǵaıtýǵa, sondaı-aq áleýmettik jáne memlekettik júıelerdiń tıimdiligin art­tyrýǵa baǵyttalǵan.

Buǵan qosa aldaǵy otyrys­ta senatorlar «Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly», «Qazaqstan Respýblıkasynyń Salyq kodeksine ózgerister engizý týraly» zańdardy jáne basqa da zańdardy qaraıdy.

Otyrys barysynda depýtattar Májilis qabyldaǵan zańdardy turaqty komıtetter arasynda bólip, Memleket basshysynyń tapsyrmalaryn iske asyrý jónindegi Senattyń jumys josparyn talqylady.