Elimizde jappaı polıomıelıtke qarsy ımmýndaý júrgiziledi

Almatyda Respýblıkalyq sanıtarlyq-epıdemıologııalyq  saraptaý jáne monıtorıng ǵylymı-praktıkalyq ortalyǵynda Densaýlyq saqtaý mınıstrligi Memlekettik sanıtarlyq-epıdemıologııalyq qadaǵalaý komıtetiniń tóraǵasy, elimizdiń bas memlekettik sanıtarlyq dárigeri Keńes Ospanovtyń qatysýymen polıomıelıtke qarsy ımmýndaý   jaıynda baspasóz máslıhaty ótti. DUU-nyń balalar qory sarapshylarynyń, AQSh-tyń juqpaly aýrýlardy baqylaý ortalyǵy ókilderi men jaýapty ǵalym-mamandardyń qatysýymen bolǵan alqaly jıynda bas sanıtarlyq dáriger Qazaqstannyń barlyq aýmaǵynda qyrkúıektiń 6-11-i aralyǵynda 6 jasqa deıingi balalardy polıomıelıtke qarsy ımmýndaý júrgiziletinin málimdedi. – Kórshi elderde polıomıelıt­pen syrqattaný boıynsha epıde­mııalyq jaǵdaıdyń kúrdelenip ketýine oraı, Qazaqstannyń barlyq aýmaǵynda qyrkúıek aıynyń 6-11 aralyǵynda 6 jasqa deıingi bala­lar­dy polıomıelıtke qarsy qo­symsha bir qaıtara jappaı ımmýn­daý júrgiziledi, – dedi Keńes Ospa­nov. – Vaksınalaýdy uıymdastyrý boıynsha is-sharalar jospar boı­ynsha daıyndalýda. Máselen, 6500 egý pýnktterinde 4200 brıgada, al, eldi mekenderden alys jatqan jer­lerde kóshpeli 1200-den asa brıgada jumys isteıtin bolady. Atalmysh sharaǵa 8400 dáriger-feldsher men 5700-deı vaksına­tor­lar tartylmaq. Bas sanıtarlyq dárigerdiń aıtý­yn­sha, eń tıimdi sanalatyn vaksına Belgııa elinen satyp alynyp, DDU-men sertıfıkattalǵan. Bul ım­mýndaý sharasyn júrgizýge mem­lekettik bıýdjetten 64 mln. qara­jat bólinip, qyrkúıek aıynyń 11-ne deıin 1 mıllıon 800 myń balany egý josparlanǵan. Jalpy vaksınalaý egý arqyly emes, dámi tátti suıyq zatty bala­nyń aýzyna tamyzý arqyly júzege asyrylady. Sondaı-aq, búginge deıin ımmýndaý júrgizý boıynsha dárigerler arasynda arnaıy semı­narlar, dárister, dóńgelek ústel­der, túsindirý,   daıyndyq jattyǵý jumystary júrgizilgen. Al DUU balalar qorynyń qoldaýymen 630 myń baspa materıaldary, býk­letter men paraqshalar daıyn­dalǵan. Jylyna elimizdiń shekarasy boıynsha 8 mln. 100 myń shetel­dik­ter ótetinin, ásirese, polıomıelıt oryn alǵan Tájikstannan Qazaq­stanǵa 25682 adam ótkenin jetkizgen Keńes Ospanov bul aýrýdyń kirý qaýpi bar ekendigine toqtala kelip,   polıomıelıt múgedektikke, ólimge soqtyratyndyqtan  barlyq ata-analardy bul sharaǵa jaýapker­shi­likpen qaraýǵa shaqyrdy. Gúlzeınep SÁDIRQYZY.