Aqmola óńirinde boldy

Qazaqstan Respýblıkasy Par­la­menti Májilisi Tóraǵasynyń oryn­basary Jánibek Káribjanov jumys babyndaǵy saparmen Aq­mola oblysynda boldy. Tóraǵa orynbasary oblys ak­tıviniń jınalysynda Parlament­tiń zań shyǵarýshylyq qyzmetin el damýynyń basty baǵyttarymen baılanystyrdy. Elbasy N.Nazarbaevtyń “Jańa onjyldyq – jańa ekonomıkalyq órleý – Qazaqstannyń jańa múm­kin­dikteri” Joldaýynan týyndaı­tyn mindetter aýqymynda qabyl­dan­ǵan zańdyq aktiler de óz jemisin berýde. Sondaı-aq Májilis qor­jynynda jatqan zań jobalary muqııat talqylaýdan ótkizilýde. Májilis spıkeriniń orynbasary “Kókshetaý mıneraldy sýlary” AQ, keramıkalyq kirpish shy­ǵa­ra­tyn “Enkı” JShS-da bolyp, ozyq tehnologııa men jabdyqtardyń óndiriste paıdalanylýy, eńbek ónim­diligi, salyqtyq túsimder kó­lemi, jumysshylarǵa jasalyp jat­qan jaǵdaılarmen tanysty. Keń aýqymdy “Arman” balalar baqsha­syn aralaǵan ol zamanalyq nysan­ǵa “Balalar saraıy” degen baǵa berdi. Jánibek Káribjanov tústen keıin “Nur Otan” HDP oblystyq fılıalynyń ǵımaratynda azamat­tar­dy ótinishteri boıynsha qabyl­dady. Oǵan Aqmola oblysynyń ákimi, partııanyń oblystyq fılı­aly­nyń tóraǵasy Sergeı Dıachenko men onyń orynbasary Ǵalym Shoı­kın qatysty. Jánibek Sálim­uly bes másele boıynsha toǵyz kisiniń ótinish-shaǵymyn muqııat tyń­dap, tıisti sheshimder qabylda­na­tynyn habarlady. Atap aıt­qan­da, Makınka qalasy Kamennyı ka­rer shaǵyn aýdanyn jylýmen qamtý máselesimen arnaıy komıs­sııa aınalysatyn boldy. Al áskerı zeınetker Marat Ganıevtiń turǵyn úıge suranysy qoldanystaǵy zań­dyq aktilerge saı jeke qaralady. Jaqsy aýdanyndaǵy “Túgel-S” JShS dırektory S.Júnisov pen kókshetaýlyq jeke kásipker P. Pervýhınniń jer qatynastaryna baılanysty daýlaryn sotqa júginý arqyly sheshýge keńes berildi. Baqbergen AMALBEK, Aqmola oblysy.