Keshe Býrabaıdaǵy “Samal” saýyqtyrý-demalys ortalyǵynda Qazaqstannyń esirtkige qarsy kúshteriniń II halyqaralyq semınar-forýmy jumysyn bastady. Ony “Salamatty Qazaqstan” respýblıkalyq qoǵamdyq uıymynyń prezıdenti, professor Sofııa Evdokımova kirispe sózben ashty. Aqmola oblystyq ishki saıasat basqarmasynyń bastyǵy Gúljanar Bolatova forýmǵa qatysýshylardy quttyqtap, tabys tiledi.
Jastar ortasynda esirtkiden, ishimdikten jáne shylym shegýden aýlaq bolý qaǵıdattaryn qalyptastyrý, onyń aldyn alý joldaryn talqylaýdy maqsat etken bes kúndik forýmǵa tórt júzge jýyq adam qatysýda. Semınarlyq sabaqtarda Reseı, Belorýssııa, Lıtva, Izraıl, AQSh, Qazaqstan ǵalymdary men psıhologtary birneshe taqyrypta sheberlik-synyptar ótkizedi.
Baqbergen AMALBEK, Aqmola oblysy.