Kaspıı ekologııasy halyqaralyq deńgeıde talqylandy

Kári Kaspıı ózin jaǵalaı qonystanǵan elder úshin sarqylmas baılyq pen kásipkerliktiń kózi, tirshiliktiń tynysy. Sondyqtan da bolar teńiz jaǵalaýyndaǵy elder osy mańaıdyń ekologııasy, teńiz­degi tirshilik jaıly máseleni jyl saıyn keleli áńgimege arqaý etedi. Sondaı bir basqosý Aqtaýda ótip, ol “Kaspıı teńizi: búgini men er­teńi” dep ataldy.  Qorshaǵan or­tany qorǵaý, Mańǵystaý oblystyq ákimdigi  men “KaspEKO” ha­lyq­aralyq jobasy uıymdastyrǵan fo­rýmǵa Reseı, Iran, Ortalyq Azııa memlekettik sý sharýa­shy­lyǵyn úılestirý komıssııasynyń ókilderi qa­tysty. Kaspıı teńiziniń ekolo­gııa­lyq qaýipsizdigine qatysty má­se­lelerdi jan-jaqty talqylaǵan  Tótenshe jaǵdaılar, Aýyl sha­rýa­shylyǵy, Munaı jáne gaz mı­nıstr­likteriniń mamandary, ǵa­lym­dar sońǵy kezde Kaspııdiń soltús­tik shyǵysynda bekire tuqymdas balyqtar qorynyń azaıǵandyǵyn, al Soltústik Kas­pııdiń kásipshilik balyqtar men qustardy ósirýge ar­nal­ǵan qolaıly bıologııalyq aı­maq bola  tura osyndaǵy ken oryn­daryn ıgerýdiń barysynda sýdyń munaı ónim­derimen lastanýynyń da qaýpi barlyǵyn áńgimeledi. Oı-pikirlerin jetkizdi. Basqosýda oblys ákimi Qyrymbek Kósherbaev tirshilik tiregindeı Kaspıı teńizi­niń ekologııalyq qaýipsizdigin saq­taýda birlese jumys jasaýdyń tıim­di ekendigin, qaýipti jaǵdaı­lardan saqtaný sharalaryn teńizdegi ope­rasııalar keń kólemde bastal­maı turyp keshendi qarastyrý qa­jettigine toqtaldy. Ekologııa   el amandyǵy, ony birlese qorǵaý ortaq paryz ekendigin jete túsingen Kaspıı jaǵalaýy elderiniń  ókilderi — ǵalymdar teńizdiń qaýipsizdigin saqtaýdyń joldaryn belgilegen qarar qabyldady. Jolaman BOShALAQ, Aqtaý.