Memleket damýynyń irgetasy

Bıylǵy jyldyń 30 tamyzynda Ata Zań – el Konstıtýsııasynyń 15 jyl­­dyǵy atalyp ótpek.  Búginde Qazaqstan álemniń bedeldi degen túrli ha­­lyq­aralyq uıymdarynyń moıyndalǵan múshesi ekeni belgili. Al Kons­tı­tý­sııa – sol Qazaq eli memlekettiligin nyǵaıtý, ondaǵy saıası júıeni refor­ma­laý ba­ǵytynda jasalǵan sátti qadamdarǵa basty baǵdar bolǵany anyq. Keshe elordadaǵy Ulttyq aka­de­mııalyq kitaphanada “Qazaqstan Res­pýblıkasynyń Konstıtýsııasyna 15 jyl: zańnamanyń ilgeri damýy” atty res­pýblıkalyq ǵylymı-tájirıbelik kon­ferensııa uıymdastyrylyp, onda Ata Zańnyń damýy men onyń jetil­di­rilý tarıhy áńgime ózegine aınaldy. QR Prezıdenti janyndaǵy Adam quqyqtary jónindegi komıssııa, As­ta­na qalasynyń ákimdigi, Eýropa qu­qy­ǵy men adam quqyqtary sarap­shy­lyq ınstıtýty jáne Quqyqtyq máde­nıetti damytý ortalyǵy uıytqy bol­ǵan aýqymdy sha­raǵa ortalyq mem­le­kettik organdardyń, shetel dıploma­tııa­lyq korpýsynyń, saıa­sı partııa­lar men úkimettik emes uıym­dardyń ókilderi, Parlament depýtattary qatysty. Konferensııa barysynda oǵan qa­ty­sýshylar Konstıtýsııanyń memleket úshin mańyzdylyǵy, onda ratıfıkasııa­lanǵan halyqaralyq qu­jattardyń ishki zań­darǵa qaraǵanda, basymdyqqa ıe eken­digi, eldegi quqyq qoldaný tájirı­besi, qu­qyqtyq máde­nıetti damytý máselelerin talqyǵa saldy. Máselen, Astana qalasy ákiminiń orynbasary Aıda Balaeva Ata Zańnyń negizin qalaý, onyń negizgi alǵy­sharttaryn bekitý ońaıǵa túspegendigin, bul uzaq izdenis pen eńbektiń, mol tá­ji­rıbeniń arqa­syn­da ǵana júzege asqanyn atap ótti. “Qa­zaqstan óziniń tańdaýyn jasady. Bul rette Konstıtýsııanyń alatyn orny aıryqsha. Ol elimizdi zaıyr­ly, quqyqtyq memleketke aınaldyrýdyń negizi. El Prezıdentiniń qoǵamdy ilgeriletý maq­satynan týǵan barlyq jarlyqtary osy Ata Zańnan bastaý alady. Konstıtýsııada san ulttar men ulystardyń múddeleri, adamdardyń quqyqtary men bostandyǵy joǵary orynǵa qoıylatyndyǵy aıryqsha atap kórsetilgen. 2007 jyldyń 21 ma­myr kúni Elbasynyń bastamasymen Qazaqstan Konstıtýsııasyna tıisti ózgertýler men tolyqtyrýlardyń engi­zilýi elimizdiń barlyq qoǵamdyq-saıası qurylymyna jańa ózgerister ákeldi. Sol arqyly damýdyń jańa, sapaly kezeńine qadam bastyq”, – dedi ol. Sonymen qatar Astana qalasy ákiminiń orynbasary óz sózinde Qazaqstannyń 15 jyldyq merzim ishinde túrli salalarda qol jetkizgen jetistikteri men bilim, ǵylym, áleýmettik salada atqarylyp jatqan oń sharalar jóninde de oı tarqatty. Al Qazaqstan Respýblıkasynyń Pre­zıdenti janyndaǵy Memlekettik basqarý akademııasynyń kafedra meńgerýshisi Nıkolaı Akýev búginde Konstıtýsııanyń amerıkalyq, fran­sýzdyq modelderiniń artyqshylyq­tary týraly kóp aıtyla­tyn­dyǵyna, alaıda qazaqstandyq mo­deldiń de óz ereksheligi men óz orny bar eken­digine toqtalyp ótti. “Álemde Kons­tıtýsııanyń tutastaı minsiz, ámbebap mo­deli joq. Al Konstıtýsııa, ondaǵy baptar kez kelgen memlekettiń óz ereksheligine, mem­lekettik quryly­myna, ulttyq men­ta­lıtetiniń ózgeshe­ligine saı bolýy kerek. Sonda ǵana ol sol eldiń ilgerileýine, demokratııalyq júıesiniń damýyna sep bolmaq”, –  deıdi N. Akýev. Láıla EDILQYZY.