20 tamyzda EQYU-nyń Is basyndaǵy tóraǵasy, Qazaqstan Respýblıkasynyń Memlekettik hatshysy – Syrtqy ister mınıstri Qanat Saýdabaev Lıtva Respýblıkasynyń Syrtqy ister mınıstri Aýdronıýs Adjýbalıspen telefon arqyly sóılesti, dep habarlady Qazaqstan Respýblıkasy Syrtqy ister mınıstrliginiń baspasóz qyzmeti.
Eki eldiń syrtqy saıası mekemeleriniń basshylary jeltoqsan aıynda Astanada josparlanǵan EQYU Sammıtiniń kún tártibin oılastyrý máselesin jáne Astana men Vılnıýs arasyndaǵy EQYU-nyń “úshtik” sheńberindegi yntymaqtastyq barysyn talqylady. Uıymnyń keń aýqymdy keńistigindegi qaýipsizdik pen yntymaqtastyǵyn jáne uıym tarıhynyń jańa betin ashýǵa baǵyttalǵan Sammıttiń daıyndyǵyn egjeı-tegjeıli qarastyrý mańyzdylyǵyn atap ótti.
Sondaı-aq, Q.Saýdabaev pen A.Adjýbalıs Qazaqstan-Lıtva ekijaqty qarym-qatynasynyń qazirgi jaǵdaıy men bolashaǵy jóninde pikir almasty.