Oqýshylar da, muǵalimder de biryńǵaı kıinbek

Jańa oqý jylynyń bastalýy­na sanaýly kúnder qaldy. Soǵan oraı Bilim jáne ǵylym mınıstr­ligi jańa oqý jylynyń daıyndyq sharalaryna asa mán berip, olar­dyń sapaly ári nátıjeli oryn­dalýyna erekshe den qoıyp otyr desek, Bilim jáne ǵylym mı­nıstrliginde aıtarlyqtaı máni zor eki basqosý ótkizildi. Elimizdegi mek­tep oqýshylarynyń biryńǵaı formalary men nashaqorlyqqa qarsy kúreste atalmysh ve­doms­tvo­nyń yqpaly jáne mindetteri osy basqosýlarda talqylandy. Aldymen Bilim jáne ǵylym mınıstri Janseıit Túımebaevtyń qatysýymen nashaqorlyqqa qarsy II halyqaralyq semınar-forým ótti. Onda mınıstr jas urpaqtyń densaýlyǵyna nazar aýdarý máse­le­sin jáne jastar ortasynda na­sha­­­qorlyqqa qarsy jumys bary­syn semınar-forýmǵa qatysý­­shylarǵa tanystyra kele, bul baǵyttaǵy jumystardy birlese atqarý kerektigine toqtaldy. “Elimizdiń barlyq oqý orda­larynda esirtkige qarsy sharalar­dy júzege asyratyn, nasıhattaý jumystarymen jan-jaqty aına­­lysatyn qyzmettik uıymdar bola­dy. Mundaı baǵyttaǵy qyzmetter salamatty ómir saltyn nasıhattap qana qoımaı, deni saý ultty tárbıelep, qalyptastyrýǵa yqpal etedi. Sonymen qatar bárimiz úshin halyqaralyq tájirıbelerdi qol­danýdyń da bereri kóp. Bul ortaq mindetke, árıne, nashaqor­lyqtyń aldyn-alý jáne táýeldilikti joıý úshin mamandar daıarlaý kerek” –dedi mınıstr óz sózinde. Semınar-forýmǵa qatysýshy­lar da óz pikirlerin ortaǵa saldy. Máselen, Halyqaralyq salamat­tyq akademııasynyń prezıdenti Alek­sandr Maıýrov esirtkimen kúresý qoǵamnyń barlyq salasyn qamtı­tyn áleýmettik másele eke­nin, sol sebepti de oǵan qoǵamnyń barlyq múshesi atsalysýy qajettigin tilge tıek etti. Onlaın rejiminde ótkizilgen “Mektep formasy jáne Qazaqstan pedagogtarynyń qazirgi zaman kıim úlgisi” atty respýblıkalyq semı­nar-keńeske oblystyq, Astana já­ne Almaty qalalarynyń bilim bas­qarmalarynyń, qalalyq, aý­dan­dyq bilim bólimderiniń basshy­lary, balalar kıimderin shyǵara­tyn óndirýshiler, ustazdar jáne ata-analar qaýymy qatysty. Bul jıynda negizinen oqýshylarǵa ar­­nalǵan mektep formalarynyń, sport­tyq kıimderdiń, jalpy bilim beretin mektepterdegi pedagog qyz­metkerlerge arnalǵan kıim úlgileri men baǵalary týraly sóz boldy. Respýblıkanyń ár óńirinen 700-den astam bilim berý uıym­dary qatysqan ınteraktıvti forým barysynda Aqtóbe, Atyraý, Jambyl, Batys Qazaqstan, Qos­tanaı, Pavlodar oblystarynyń jáne Almaty qalasynyń mektep formasyn engizý jónindegi tájirıbeler tanystyryldy. Semınar-keńeste sóılegen mamandardyń sózine qaraǵanda Qazaqstan boıynsha mektep formalarynyń ortasha baǵasy 11 myń men 24 myńnyń aralyǵynda kórinedi. Árıne, 24 myńnan 40 myńǵa deıin turatyn úlgiler de bar eken. Bir aıta ketetin jaıt, búgingi kúni eldiń 9 aımaǵynda oqýshylar biryńǵaı mektep for­masyna aýysypty. Al Mańǵystaý men Batys Qazaqstan oblys­tarynda birinshi synyp tabal­dyry­ǵyn attaǵan oqýshylar jergilikti bıýdjet esebinen kıinedi eken. Al jalpy Qazaqstan nary­ǵynda balalar kıimderin shyǵara­tyn 14 óndirýshi bar kórinedi. Sondaı-aq mınıstrlik ókiliniń aıtýynsha, bıylǵy oqý jylynan bastap Qyzylorda oblysyndaǵy bútin bir aýdan óz qarajattary esebinen muǵalimderge de biryńǵaı kıim kıindirmek. Bilim jáne ǵylym mınıstrligi 12-15 myń teń­ge aralyǵynda baǵalanyp otyrǵan muǵalimderdiń kıim úlgilerin birte-birte barlyq óńirlerge engizýdi kózdep otyr. Araı ÚIRENIShBEKQYZY.