Aýyl sharýashylyǵynda mol astyqqa qol jetkizý óz ýaqytynda ótkizilgen kóktemgi egis jumystaryna baılanysty. О́tken jyldary osy jumystardy qoldaý “QazAgro” Ulttyq basqarýshy holdıngi” AQ enshiles uıymdary “Agrarlyq nesıe korporasııasy” AQ jáne “Azyq-túlik kelisim shart korporasııasy” AQ kómegimen ótkiziletin.
Aǵymdaǵy jyly “QazAgro” Ulttyq basqarýshy holdıngi” AQ enshiles uıymy “Aýyl sharýashylyǵyn qarjylaı qoldaý qory” AQ alǵashqy ret kóktemgi egis jumystaryn qarjylandyrýǵa qatysty, osyǵan oraı agroónerkásip kesheniniń shaǵyn sýbektilerin jalpy somasy 500,0 mln. teńgege nesıelendirý jónindegi “Eginjaı” qanatqaqty baǵdarlamasyn iske asyra bastady. Qaryz 2 jylǵa deıingi merzimge jyldyq 12% syıaqy stavkasymen berildi. Nesıe somasy – 1 qaryz alýshyǵa 3 mln. teńgeden aspaıdy. Qaryz mynadaı dándi daqyldar egýge berildi: bıdaı, arpa, burshaq dándiler, júgeri, kúrish, kúnbaǵys, maı daqyldary, qant qyzylshasy, kartop, kókónis-baqshalyq daqyldar, jem-shóptik daqyldar.
Osy baǵdarlama boıynsha Qorǵa 297 ótinim kelip tústi, onyń ishinde jalpy somasy 499,8 mln. teńgege 234 ótinim maquldanyp, qarjylandyryldy.
Osy baǵdarlamany engizýdiń basty sebebi, ol búgingi kúni agroónerkásip kesheniniń shaǵyn sýbektileri qarjy ınstıtýttarynyń, onyń ishinde ekinshi deńgeıdegi bankterdiń nazarynan tys qalyp qoıýymen jáne egis naýqanynda nesıe alý múmkinshiliginiń joqtyǵymen túsindiriledi.
Respýblıkamyzdyń batys óńirlerinde bolyp jatqan tótenshe aýa raıy qubylysyna baılanysty Qor Aqtóbe jáne Batys Qazaqstan oblystarynyń zardap shekken klıentterine 125,4 mln. teńge somasyna berilgen qaryz merzimin uzartýda.
Sabır TIMÝROV.