Qyzyljar óńirin aralady

Parlament Májilisiniń Tóraǵasy, “Nur Otan” HDP fraksııasynyń jetekshisi O.Muhamedjanov jumys saparymen Soltústik Qazaqstan oblysynda boldy. Oral Baıǵonysuly aldymen Abylaı han keshendi memorıaldyq murajaıynda bolyp, tarıhı já­digerlermen tanysty. Odan keıin akademık M.Qozybaev atyndaǵy Soltústik Qazaqstan memlekettik ýnıversıtetiniń professor-oqy­tý­shylar quramymen kezdesti. Máji­lis Tóraǵasynyń Nur Otan” HDP oblystyq, aýdandyq, qalalyq de­pýtattar fraksııasynyń músheleri­men, túrli deńgeıdegi halyq qa­laýlylarymen, qoǵamdyq uıymdar men jastar ókilderimen kezdesýi ashyq pikir alysý jaǵdaıynda ótti. “Jol kartasy” jáne údemeli ın­dýstrııalyq-ınnovasııalyq damý baǵdarlamalarynan týyndaıtyn ózekti máseleler áńgime arqaýyna aınaldy. Oǵan Parlament Máji­lisi­niń depýtattary I.Chırkalın, R.Po­lıshýk, J.Súleımenov, P.Dmı­­­trıenko, R.Mádınov qa­tysty. Jıyndy aımaq basshysy Serik Bilálov ashyp, birinshi sózdi saıası partııanyń oblystyq máslı­hattaǵy fraksııasynyń jetekshisi Qanat Myńjasovqa berdi. Ol eli­mizdegi jetekshi partııa tuǵyrna­masynyń jergilikti jerlerde oryndalýy jaıynan baıandady. Elbasynyń Joldaýynan týyn­daıtyn mindet­ter­di jurtshylyqqa jetkizý maq­sa­tymen tek bıyldyń ózinde 200-ge tarta kezdesýler, 131 túsinik ju­mys­tary júrgizilgen. 8 “dóńgelek ústel”, 17 reıd shara­lary uıym­das­tyrylǵan. Oblystyq máslıhattyń hatshysy Q.Edi­resovtiń Túmen oblystyq dýma­symen iskerlik baı­lanysty ny­ǵaıtýǵa baǵyttalǵan usy­nysy qoldaý taýyp, memo­ran­dýmǵa qol qoıylǵan. M.Luqpa­nov­tyń áleý­mettik salaǵa qarjylyq qoldaý kórsetý jónindegi úndeýine oraı aýyl sharýashylyǵy qury­lym­daryna byltyr 645 mıllıon, bıyl 114 mıllıon teńge quıylǵan. Saıası bıýro májilisterinde Á.Jú­ni­sov, I.Korovın, S.Kashen­seva, V.Kovshov, taǵy basqa depý­tat­tar­dyń esepteri tyńdalyp, is-tájirıbeleri taratylǵan. Esil aýdandyq máslıhatynyń hatshysy Baýyrjan Sherııazdanov óz sózin atqarýshy bılik organ­dary­men tyǵyz birliktegi jumysqa arnasa, oblystyq páter ıeleri assosıasııa­synyń tóraǵasy S.Hý­dıa­kov 2020 jylǵa deıin arnalǵan turǵyn úı-kommýnaldyq sharýa­shy­lyq baǵdar­lamasyn áli de jetildire túsýdi, talqylaý merzimin uzartýdy usyndy. Parlament Májilisiniń Tór­aǵa­­sy jınalǵandardy elimiz boı­ynsha Prezıdent Nursultan Na­zar­baevtyń tikeleı qoldaýymen jú­zege asyp jatqan “Jol kartasy” jáne úde­meli ındýstrııalyq-ınno­vasııalyq baǵdarlamalardyń oryn­dalý bary­symen  tanystyr­dy. Táýelsizdik alǵany­myz­ǵa 19 jyl ǵana. Tarıh úshin qas-qaǵym sát ishinde qanshama ulanǵaıyr isterdiń tyndy­ryl­ǵa­nyna bárimiz de kýámiz. Elimizdiń áleýeti artyp, ekono­mı­kasy serpindi damyp keledi. Kóp­tegen memleketter dúnıejúzilik qarjy daǵdarysyna tótep bere almaı turalap jatqanda, Qazaqstan zeınetaqyny, áleýmettik ótemaqy­lardy, jalaqyny ulǵaıta alǵan birden-bir elge aınaldy. Sońǵy on jyldy alyp qaraıyqshy. Ortasha aılyq jalaqy – 5, zeınetaqynyń ortasha mólsheri 3 esege ósti. О́mir súrýdiń eń tómengi deńgeıinen az tabysy bar halyqtyń úlesi 4 esege azaıdy. Kútiletin ómir uzaqtyǵy 65-ten 68 jasqa deıin ulǵaıdy. Endi 72 jasqa deıin ulǵaıtýdy meje etip otyrmyz. Ana ólimi kemip, bala týý kórsetkishi jaq­sar­dy. On jylda 652 mektep, 463 den­saýlyq saqtaý nysany salyn­dy. Buryndary aýyldyqtardy jol, sapaly aýyz sý jaıy qatty qınasa, endi bul salalarǵa qarjy mol quıyla bastady. Aldaǵy jyl­da jol jóndeý jumystaryna 2 trıl­lıon teńge jumsalatyn bolady. О́ńdeýshi kásiporyndar sany 18,3 paıyzǵa kóbeıdi. “Taza sý” baǵdarlamasy boıynsha eki myńnan astam aýyl qamtyldy. Áý basta bir jylǵa ǵana baǵdarlanǵan “Jol kartasy” baǵdarlamasy óziniń ómirsheńdigin kórsetkennen keıin merzimi uzartyldy. Bıyl bul baǵytqa 13 mıllıard teńge qa­ras­tyrylyp, 130 myń jańa jumys oryndaryn ashý kózdelgen. Qysqa merzimde qol jetkizgen tolaǵaı tabystarymyzdy sanamalap jet­ki­zý múmkin emes. Ulttyq qor 50 mıllıard AQSh dollaryn quraı­dy. Kezinde onyń aınalasynda aıǵaı-shý týdyryp, arzan bedel jınaýǵa umtylǵandar qatty qate­les­kenin ózderi de moıyndaıdy. Saıası arenadaǵy jeńisterimizdi tarazylaıtyn bolsaq, ol óz al­dyna bólek áńgime. Qysqa qaıyr­saq, qaı jaǵynan bolsyn órke­nıetti memlekettermen terezemiz teńesti. Eýropadaǵy qaýipsizdik jáne yntymaqtastyq uıymyn basqarý, mártebeli mıssııany at­qa­rý Elbasynyń álem aldyndaǵy zor bedel-abyroıyn kórsetse kerek. O.Muhamedjanov memlekettiń el turǵyndary aldyndaǵy áleý­met­tik mindettemeleriniń abyroı­men oryndalýyna Májilis depý­tat­tarynyń, “Nur Otan” HDP fraksııasynyń da zor úles qosyp otyr­ǵanyn, alda turǵan mindet­ter­diń aýqymdylyǵyn atap kórsetti. Astanada EQYU Sammıtyn ótkizý – elimizge, Elbasyna kórsetilgen zor qurmet. Sonymen birge, úlken jaýapkershilikter júkteıdi. Pre­zı­denttiń qatysýymen ótetin pa­latalardyń birlesken sessııasy­nyń kún tártibine irgeli máseleler usynylyp otyr. Solardyń biri – quqyq qorǵaý júıesin reforma­laýǵa qatysty. Memleket basshysy “Qazaqstan Respýblıkasynda quqyq qorǵaý qyzmeti men sot júıesiniń tıimdiligin arttyrý jónindegi sharalar týraly” Jar­lyqqa qol qoıdy. Onda quqyq qor­ǵaý organdarynyń qazirgi qu­rylymy men basqarý júıesin oń­taılandyrý, fýnksııalaryna ózge­rister engizý, qoǵamdy izgilendirý sekildi mańyzdy mindetterdi jú­zege asyrý qarastyrylǵanyn aıta kelip, aldaǵy jumystarǵa tabys tiledi. Issapar baǵdarlamasy aıasynda Májilis Tóraǵasy Aqqaıyń aýda­nyndaǵy Qaıyrbek Orazov atyn­daǵy Aralaǵash orta mektebinde bolyp, ustazdarmen júzdesti. Bul jerde bilim berý salasynyń máse­leleri jóninde oı qozǵaldy. Kezdesý sońynda Májilis Tóraǵasy mektep ujymyna kompıýter syılady. О́mir ESQALI. Soltústik Qazaqstan oblysy.