AQSh arnaıy qyzmeti óltirgen «Ál-Kaıda» lankestik uıymynyń burynǵy basshysy Ben Ladenniń ornyna jańa basshy – túbi mysyrlyq Aıman ál-Zavahırı kelgeni týraly aqparat jarııalanǵan bolatyn. Qurama Shtattar endi ál-Zavahırıdiń de kózin joıýǵa daıyn ekenin málimdep úlgerdi.
Birlesken shtabtar komıtetiniń bastyǵy admıral Maık Mallenniń aıtýynsha, AQSh ál-Zavahırıge de Ben Ladenniń taǵdyryn qaıtalatady. Al Pentagon basshysy Robert Geıtstiń pikirine qaraǵanda, ál-Zavahırıde operasııalar ótkizý boıynsha Ben Ladendegi sekildi shamshyldyq pen tájirıbe joq. AQSh tarapy lańkestik uıym jańa basshysynyń qaıda ekenin kórsetetin aqparat úshin 25 mıllıon dollar syıaqy tigilgenin de jarııa etti.
Gaz baǵasy taǵy da tuıyqqa tiredi
Reseı men Qytaı basshylary Dmıtrıı Medvedev pen Hý Szıntaonyń Kremldegi kelissózi barysynda baǵadaǵy pikir qaıshylyǵyna baılanysty gaz kelisim-sharty boıynsha ýaǵdalastyqqa taǵy da qol jetkizilmeı qaldy.
«Gazprom» Qytaımen gaz satý jónindegi shart týraly 2000-jyldardyń ortasynda-aq ýaǵda baılasqan edi. Alaıda taraptar sodan beri «kógildir otynnyń» baǵasyna kelise almaı keledi. Reseı jaǵy Qytaıǵa «kógildir otyndy» Eýropaǵa jiberiletin baǵamen (tekshe metri 352 dollar) satpaqshy bolsa, Qytaı ony Ortalyq Azııadan keletin baǵamen (tekshe metri 250 dollar) alǵandy qalaıdy.
Lıvııa boıynsha esebi joldandy
Barak Obamanyń ákimshiligi el Kongresine Lıvııadaǵy áskerı operasııalar týraly baıandama joldady. 30 betten turatyn qujatta prezıdenttiń operasııalardy zańdy negizde júrgizip jatqany jáne ony Kongrestiń kelisiminsiz-aq jalǵastyra alatyny atap kórsetiledi.
О́z ustanymyn dáleldeı kele, baıandama avtorlary AQSh-tyń NATO operasııalarynda shekteýli, kómekshi ról ǵana atqaryp otyrǵanyn, Lıvııa aýmaǵynda birde-bir AQSh áskerıi joq ekenin kóldeneń tartady. Derekterge sáıkes, Qurama Shtattar kúni búginge deıin Lıvııada túrli maqsattarǵa 715,9 mıllıon dollar shyǵyndapty.
Shekara boıyna zymyran ornalastyrdy
Ońtústik Koreıa basshylyǵy KHDR shekarasy boıyna zymyran keshenderin ornalastyrǵan. Bul jerde áńgime Phenıandy jermen-jeksen etýge jetetin Amerıkanyń shaǵyn qashyqtyqtaǵy ballıstıkalyq zymyrandary týraly bolyp otyr.
Sarapshylardyń pikirinshe, zymyrandar Phenıannyń yqtımal shabýyly jaýapsyz qalmaıtynyn kórsetý maqsatynda ornalastyrylǵan. Soltústiktiń ońtústiktegi qandastaryna KHDR turǵyndary arasynda nasıhat paraqshalaryn taratqany jáne polıgondardaǵy jattyǵýlarda nysana retinde Soltústik Koreıanyń yqtımal murageri Kım Chon Yn beınesi paıdalanylatyny úshin kek qaıtaramyz degen qoqan-loqqylary da sebep bolǵanǵa uqsaıdy.
Jırınovskııdi qyzyl tús jalyqtyrdy
Reseı Lıberal-demokratııalyq partııasynyń serkesi Vladımır Jırınovskıı aldaǵy shaqyrylymnan bastap Memlekettik dýma depýtattarynyń kýálikterin qara kók nemese qara qońyr tústi etip jasaýdy usyndy.
Qyzyl tús ábden jalyqtyrdy. Tipti ashý-yzańdy keltiredi. Muny men emes, dárigerler dáleldegen. Qyzyl tús – bul baǵdarsham, tapjylmaı turýǵa májbúr etedi, qyzyl tús sondaı-aq apat, órt, taǵy basqalar, dep negizdedi óziniń ustanymyn V.Jırınovskıı. Esesine, deıdi ol, kók tús shyǵarmashylyq oılaý qabiletińdi jaqsartady.
Jappaı tóbeles oryn aldy
Reseıdiń Novosibir qalasynda ondaǵan eńbek mıgranttarynyń qatysýymen jappaı tóbeles oryn aldy. Jergilikti quqyq qorǵaý organdarynyń sózderine qaraǵanda, janjal turǵyn úı qurylysyndaǵy jumys orny úshin týyndaǵan.
Qurylysqa alǵash bolyp qyrǵyzstandyq jumysshylar jetken. Biraq, ózbekstandyqtarǵa kimniń birinshi ekeni jaı janama basymdyq sııaqty ǵana kóringen. Tóbeleske bir jaǵynan – 15, ekinshi jaǵynan shamamen 30 adam qatysqan. Tóbelesten úsh qyrǵyzstandyq pyshaq jaraqatyn alyp aýrýhanaǵa jatqyzylsa, basqa zardap shekkender týraly málimet joq. Oqıǵa boıynsha qylmystyq is qozǵalǵan.
Qysqa qaıyryp aıtqanda:
* Grekııanyń jańa qarjy mınıstri bolyp buǵan deıin qorǵanys mınıstri qyzmetin atqarǵan Evangelos Venızelos taǵaıyndaldy. Alǵashqysyna úsh qaınasa sorpasy qosylmaıtyn vedomstvony onyń qalaı basqaratyny belgisiz. * Osh qalasyndaǵy jeke menshik bazarynyń saýdasyn oılap, sol tóńirekte ony-muny satyp turǵandarmen tóbelesken Qyrǵyzstan parlamentiniń burynǵy depýtaty Kamchybek Joldoshbaevtyń ústinen qylmystyq is qozǵaldy. * Meksıkanyń Monterreı qalasynda bir kún ishinde 33 adam qaza tapty. Resmı tulǵalardyń sózderine qaraǵanda, olardyń barlyǵy qylmystyq toptarǵa tikeleı qatysy bar adamdar bolyp tabylady. * Stenlı kýbogynyń fınalynda Kanadanyń Vankýver qalasynyń «Vankýver Kenaks» komandasy AQSh-tyń Boston qalasynyń «Boston Brıýınz» komandasynan jeńilip qalǵan edi. Osyǵan oraı Vankýverdegi jappaı tártipsizdikter saldarynan jaralanǵan 150 adam dárigerlik kómekke júgingen.Internet materıaldary negizinde ázirlendi.
