29 qarashaǵa arnalǵan aýa raıy

Búgin elimizdiń basym bóliginde aýa raıy jaýyn-shashynsyz bolady, alaıda respýblıkamyzdyń soltústik jáne batys aýmaqtarynda atmosferalyq aǵyndardyń ótýine baılanysty jaýyn-shashyn kútiledi. Keı jerlerde tuman, kóktaıǵaq, burqasyn bolyp, jel kúsheıedi, soltústik oblystardyń keı jerlerinde kúshti jel bolady, dep habarlady Qazgıdromet. Aqmola, Soltústik Qazaqstan oblystarynda jel 15-20, ekpini 23-28 m/s, keı jerlerde 30 m/s deıin kúsheıedi, keı jerlerde burqasyn, kóktaıǵaq kútiledi. Almaty oblysynyń Jalańashkól aýmaqtarynda jel 17-22 m/s kúsheıedi, túnde keı jerlerde tuman bolady. Qostanaı oblysynda jel 15-20 m/s kúsheıedi, keı jerlerinde tuman, kóktaıǵaq, burqasyn kútiledi. Jambyl, Atyraý, Batys Qazaqstan, Aqtóbe oblystarynyń keı jerlerinde tuman, kóktaıǵaq kútiledi, túnde Batys Qazaqstan, Aqtóbe oblystarynyń keı jerlerinde 15-20 m/s jel kúsheıedi. Pavlodar, Shyǵys Qazaqstan  oblystarynyń keı jerlerinde tuman, jaıaý burqasyn kútiledi. Qaraǵandy oblysynyń keı jerlerinde tuman, jel 15-20 m/s kúsheıedi. Ońtústik Qazaqstan, Qyzylorda, Mańǵystaý oblystarynyń keı jerlerinde tuman kútiledi.