Bul qobyz Molyqbaı ólgen soń, ıesiz qalyp, soǵys kezinde keregede ilýli turypty. El qamyǵyp, qara jamylǵanda kúńirengen ún shyǵarady eken deıdi bir ańyz. Qaraǵaıdan shabylǵan, temirmen ustalǵan, jıegi kúmistelgen. Azdaǵan jaryǵy bar. Sol jaq búıirindegi butaqtyń tuqyly ábden keýip, túsip qalǵan. Bul bertinde aspapqa restavrasııa jasaýshylardyń pikiri. El aýzynda bul jaryqtyń paıda bolýy týraly da ańyz bar. Baısaq birde áldekimniń bosaǵasyn attaı bergende, bosanǵan áıeldiń joldasy kómilgen, bylqyldap jatqan shuńqyrǵa aıaǵy kirip ketip, jyǵylypty. Sonda Baısaqtyń óz úıiniń tórinde ilýli turǵan qobyz da ózdiginen qulap túsken kórinedi. Sol sapar Baısaqtyń jilinshigi synyp, qobyzdyń álgi jańqasy ushyp ketipti. Osy oqıǵadan keıin el-jurt qobyzǵa kıe qondy dep eseptep, «jaryq qara qobyz» atap ketipti. Jaryq qara qobyz óziniń kıesin bertinde de kórsetken kórinedi. 1978 jyly túgel janyp ketken úıdiń ishinen osy qobyz ǵana aman qalypty.
Áıgili Molyqbaı áýlıeniń qobyzy Taldyqorǵandaǵy Ilııas Jansúgirovtiń ádebı mýzeı úıinde tur. Mýzeıge 1984 jyly ótkizilgen. Molyqbaıdyń ózi túrmede ólgenshe qasynan tastamaǵan (tipti túrmede de) qobyz 1930 jyldan bastap kelini Adasqannyń úıinde saqtalypty.
Qobyz qazir de tartýǵa jarap tur. 2007 jyly Molyqbaı qobyzshynyń 150 jyldyǵy qarsańynda restavrasııalanǵan. Sońǵy ret 2017 jyly mamyr aıynda, Mýzeıler kúni qarsańynda tartylǵan.
Almas NÚSIP,
«Egemen Qazaqstan»
Almaty oblysy
